TWEE KLEUR “MARBLE” KOEK
Mens het altyd ‘n vinnige resep nodig as jy baie vinnig iets moet bak. Ek het die resep al jare in my boek en bak dit gereeld as ek vinnig iets moet optower:
250 g koekmeel
2 teelepels bakpoeier
½ teelepel sout
200 g suiker
115 g botter/margerien
2 eiers
5 ml vanilla
250 ml melk
30 ml kakao

Verhit oond tot by 180°C.
Spuit ringpan goed met Spray en Cook.
Voeg al die bestanddele in mengbak behalwe die kakao.
Meng vir 2 minute, ek gebruik sommer my handklitser.
Skep ¾ van mengsel in ringpan.
Sif kakao in die oorblywende mengsel en meng baie goed (deeg lyk nou lekker styf en soos tjoklit koek deeg).
Skep lepelsvol bo-op ander mengsel en trek dan die mes so 3 keer in die ronde om marble effek te maak.
Bak vir 30 minute.
Ek sit sommer tjoklit disks bo-op as dit vuurwarm is, dan smelt dit lekker.
Resep en foto: Maranda van Dam

KITS ROSYNTJIE BROOD
500 g bruismeel
250 ml suiker
1 eier, geklits
125 ml water
250 ml melk
250 ml rosyntjies
5 ml sout

Gooi alles in mengbak. Meng tot ‘n beslag. Gooi in voorbereide pan. Bak by 180 vir +- 60 min. Toets na 45 min. ‘n Bietjie eier kan 15 min, voor gaar, oor gesmeer word, vir ‘n mooi goudkleur.
Ek het resep dubbel aangemaak en 3 kp koekmengsel deurgeroer.
Baie lekker broodjie 😍
Resep en foto: Mariette Heydenrych-Kotze

CHRISTELLE SE MAKLIKE MELKKOS
Ek maak gereeld melkkos. Dit vat so 10 minute.
Sit 2 liter melk op die stoof om te begin kook. Moenie hitte te hoog stel nie, dit sal aanbrand en oorkook.
300 ml meel (Ek sit dit sommer in ‘n maatbeker om af te meet)
1 teelepel sout
2 eetlepels botter
1 teelepels vanilla
7 teelepels suiker

Vryf die botter en sout in die meel in en werk goed deur.
Wanneer die melk begin kook, voeg jy die meel stelselmatig by en klits deur soos jy ingooi met ‘n ballon klitser(whisk).
Klein klontjies gaan begin vorm, dis reg.
Sit die temperatuur  heeltemal laag.
Laat dit kook vir 7-8 minute.
En roer tussen in dat dit nie vasbrand nie.
As dit reg is, voeg vanilla geursel en suiker by en meng in.
Ons voeg dan net ‘n bietjie meer suiker in ons bakkie met kaneel en voila. Geniet.
Resep: Christelle Arnold Stols

BEEF AND BROCCOLI PASTA
500 g goulash, cut into small pieces
2 tablespoons soya sauce
1 beef stock cube
500 ml warm water
¼ teaspoon freshly ground black pepper
2 onions, finely chopped
50 g margarine
2 small or 1 large broccoli head
½ cup cake flour
50 g margarine
salt and pepper to taste
water

Heat a black cast iron pot to very, very warm. Add the meat cubes and fry a little to seal it.
Add the soya sauce and fry for a couple of minutes, to lightly brown.
Dissolve the stock cube in the warm water and add to the meat. Cook on low heat for about 15 minutes.
Pour off about 150 ml of the thickened sauce, and set aside.
Turn off heat, but keep the pot on the plate, Add the onion and margarine, and cover.
Cook the broccoli until soft, but don’t overcook. Cut on the stems to make little trees and add to the pot with meat. Mix and cover.
Melt 50 g margarine in a saucepan. Add the flour and mix.
Add 350 ml water to the 150 ml sauce and add to the flour mix. Whisk well until smooth.
Depending on how thick you want your sauce, you can add more water if you want.
Add salt and pepper to taste.
Make the pasta of your choice.
Dish the pasta up first, then the meat and veggie and then pour the sauce over to taste.
Sprinkle some parmesan cheese over for extra flavour.
Photo: Marista Grobler

TASCHA SE VETKOEKVLEGSELS
1 kg koekmeel
1 pakkie gis
1 eetlepel sout
1 eetlepel suiker
Genoeg lou water om hanteerbare deeg te vorm (ongeveer 600 ml)

Meng al die bestanddele en sit op ‘n warm plek om te rys.
Knie af en laat weer rys.
Sny reghoekige stukke wat jy dan in 3 bene sny. Vleg en knyp die bene onder vas.
Laat weer so 15 min rys.
Bak in matige warm olie tot bruin beide kante.
Resep en foto:Natascha de Jongh

LUI HUISVROU GROENTE SOP
Lui huisvrou se blitsvinnige groente sop!
Ek was nou baie lus vir sop met die koue reën weer hier by ons en toe binne 5 min die sop gemaak! Baie lekker!
1 pakkie smash 104 gr
800 ml kookwater
Klontjie botter
250 ml fyngekapte gemengde groente
Sout en peper en enige kruie of speserye van jou smaak.
Ek het ‘n halwe teelepel kerrie poeier en 1 eetlepel tamatiesous gebruik.
Groente: Rou of gaar.
Ek het rou gebruik, die volgende mengsel; gerasperde wortel, spinasie, ui, redpepper, brokkolie en mielies.
Indien gaar groente verkies word, stoom groente eers tot sag.
Jy kan gaar bacon of enige ander gaar vleis ook bymeng, heel laaste.

Meng kookwater met Smash en roer tot egalig. Indien jy ‘n dunner sop verkies meng meer water by. Geur Smash met botter, sout, peper en speserye.
Meng nou groentes by (en vleis indien verkies) en bedien dadelik!
Vir ‘n meer romerige sop, kan water met melk vervang word.
Ideaal vir werkende mense wat saans na werk lus is vir sop, maar nie die tyd het nie.
Resep en Foto: Penny van Niekerk

HEERLIKE ROSYNTJIEBROOD
Resep: Honene Bain Roux
Foto: Louise Groenewald
FOOD LOVERS RECIPES
‘n Heerlike maklike reseppie wat ek al baie jare maak.
Hierdie brood is baie lekker saam met patee, soos bv. hoenderlewer, snoek en roomkaas, al is dit effens soet. Ook baie lekker as ‘n teebrood sonder iets op.
500 g bruismeel
4 teelepels bakpoeier (dit klink baie, maar dis reg)
1½ koppies melk
1½ koppies rosyntjies (dis ‘n 250 g pakkie)
1 koppie suiker
1 eier
sout

Meng alles saam met elektriese menger met deeghaak. Nie klein handmenger. Anders meng dit net met ‘n houtlepel. Bak 45 min. – 1 uur op 180ºC.
Resep kan baie suksesvol verdubbel word vir twee groot brode. Ek het twee medium grootte brode uitgekry uit die resep soos in die foto.

Foto:  Adam Cloete – met Xylitol gebak en in die rosyntjie brood het ek helfte van die rosyne met bloubessies vervang.

MOSTERDSOUS
250 ml suiker (1 koppie)
3 eiers
100 ml witasyn
50 ml droë mosterd, gesif
knippie sout

Gooi bestanddele volgens bo in ‘n stainless steel bak, sit bo-op ‘n kastrol met water.
Kook water en klits die mosterd sous bo-oor die kook water baie goed tot dik, as skuim verdwyn is sous amper reg.
Gooi in skoon houers en bêre in yskas,
Resep en foto: Alta Gunter van Dyk

PIENKSOUS
Vir enige iets,
1 x groot bottel mayonnaise (750 ml)
1 x 750 bottel tamatiesous (ek gebruik All Gold of Wellington)
sap van ½ suurlemoen
knippie sout
½ teelepel cayenne peper
½ teelepel droë mosterd
suiker na smaak (ek gebruik so 6 teelepel bruinsuiker)

Meng goed en bottel.
Resep en foto: Alta Gunter van Dyk

TARTARSOUS
1 x 750 bottel mayonaise
2 groot Eetlepels van elk
gekapte pers-uie
kappertjiesaad
gekapte peppadews
gekapte gergins
4 Eetlepels kondensmelk
knippie sout, en paar druppels tabasco sous

Meng alles saam, en skep in bottels bêre in yskas, ek maak al 4 keer aan op ‘n slag vir ons broodjies en kosse, so dit hardloop vinnig uit.
Resep en foto: Alta Gunter van Dyk