DIE RYS MUIS RESEP
Aartappel gaar gekook en uitgehol, gevul met rys.
Ore is wortels, oë is boontjies
Snore is spaghetti
pampoen (butternut)
skaaptjop en waatlemoen

Aartappels wat uithol is gebruik ek more vir aartappelslaai.
rys wat oor is gaan ek more aand ook gebruik

Resep: Marie Rheeder Troskie

RUM EN RAISIN NAGEREG
Lewer 1 tert of 4-6 glase
250 g pitlose rosyne
250 ml (1 k) kookwater
250 ml (1 k) room, verkoel
1 blikkie (360 g) karamelkondensmelk
2 ml (½ t) vanieljegeursel
5 ml (1 t) rumgeursel
1 pakkie (200 g) Tennisbeskuitjies
aarbeie vir versiering indien verkies

Bedek die rosyne met kookwater en hou eenkant.
Klits die room styf en meng die kondensmelk en geursels by.
Dreineer die rosyne (hou ’n paar eenkant) en meng liggies by die karamelroom in.
Pak ’n laag Tennisbeskuitjies in ’n bak of glase en skep ’n laag karamelroom oor.
Herhaal lae en rond af met rosyne. Verkoel tot stewig. Versier met aarbeie indien verkies.
WENK Jy kan self aalbessies gebruik pleks van rosyne vir ’n mooi rooi kleur.

foto Marie Rheeder Troskie

MARIE SE SOUTTERT
In plaas van kaas het ek 2 minute noedels gebruik.
400 ml melk
1 blik soutbeesvleis en 3 weense worsies, opgesny
3 of 4 geklitste eiers
1 x 2 minute noedels (gaar in mikrogolf, gebruik in plaas van 500 ml gerasperde kaas)
1 ui, gekap
125 ml koekmeel
5 ml elk van sout, mosterdpoeier, as jy wil pietersielie en 1 ml knoffelvlokkies
Meng alles saam, gooi in gesmeerde bak en bak tot gestol, en ligbruin 180°C, rasper kaas bo-oor.
Dit is lekker, gou en maklik.
Marie Rheeder Troskie

BILTONG EN AVO PIZZA

1. klaar gekoopte pizza deeg gekoop
2. uie en tamatie stew gebraai,toe bo oor pizza gesmeer
3. biltong bo op gesit.
bietjie peperkorrels
4.kaas bo oor gerasper nie te veel nie
4. paar fyn stukkies tamatie

In oondtjie gesit tot die kaas smelt
getop met avo en gekrummelda feta kaas en WHALA

Resep & foto:  Marie Rheeder Troskie

SLAP PAP-STYWE PAP-KRUMMEL-PAP

Die geheim van goeie pap lê in die regte verhouding van water tot meel. Maar hoeveel water vir slappap – en hoe gereeld roer jy krummelpap nou weer? Ons verduidelik jou mooi.

Jy benodig

(genoeg vir 4-6 mense)

Vir stywepap
1½ koppie water en 1 koppie mieliemeel

Vir sagte ontbytpap
2 koppies water en 1 koppie mieliemeel

Vir krummelpap
1 koppie water en 1 koppie mieliemeel

Só maak jy

Stywe- en ontbytpap
Meng die helfte van die koue water met die meel en hou dit eenkant. Giet dan die res van die water in ’n pot, geur dit met sout, en verhit die water tot dit vinnig borrel en kook.
Skep die meelmengsel by en verlaag die hitte. Prut die pap vir 20-30 minute terwyl jy dit aanhoudend roer om ’n gladde dog stywe tekstuur te kry. Stywepap prut omtrent 5 minute langer as ontbytpap.

Krummelpap
Giet die water in ’n pot met ’n deksel, geur dit met sout en verhit dit tot kookpunt. Giet al die meel op een slag by sodat dit op ’n hoop in die middel van die pot lê. Moenie dit roer nie.
Sit die deksel op en kook die meeltoring vir 7 minute.
Krap die pap met ’n vurk los sodat dit fyn krummels maak.
Draai die hitte laer (of verminder die kole) en stoom die pap vir 20-30 minute tot dit sag en gaar is.
Roer ’n klontjie botter in en skep op.
Bron: Wegsleep

Marianne de Beer
Die maklikste manier wat ek my kids geleer het is om 2 koppies water te kook en dan so ½ koppie mieliemeel met koue water te meng tot ‘n gladde pasta en dan by die kookwater in te roer. Jy kan bietjie meer meel gebruik, maar soos hulle dit maak het dit dan nie melk nodig nie, net klontjie botter en suiker.