SELMA SE BROCCOLI SLAAI
Baie lekker, eenvoudig en gesond!
broccoli
1 wortel
½ rooi ui
1 handvol amandels
Sous:
½ koppie wit jogurt
1 eetlepel heuning
1 eetlepel appel asyn
Neutmuskaat, sout en peper, na smaak

Breek brocoli op, laat lê in kookwater vir ±3 min, gooi dan broccoli in yswater sodat dit “shock”. Rasper wortel. Sny ui fyn. Kap amandels op. Meng alles saam met sous.

Bron en Foto: Selma Keller

ERIKA SE CREMORA TERT MET ‘N TWIST
500 g Cremora
1 blik kondensmelk
150 ml suurlemoensap
125 ml kookwater
1 pakkie tennis beskuitjies
100 ml margerine
1 pak instant chocolate mousse
800 ml melk

Druk koekies fyn en meng margarine by, druk vas onder in tert bak. Los melkpoeier op in kook water en laat afkoel. Klits suurlemoensap by kondensmelk tot amper styf. Maak mousse aan met melk en klits tot amper styf. Skep die twee vulsels in lae oor die kors en sit in yskas tot gestol.

Bron: Erika van der Westhuizen
Foto:  Lea Drieselmann
Ek het die sjokolade mousse vervang met vanilla mousse want ek het ‘n paar ouens wat nie baie van sjokolade hou nie.

1-2-3 BOTTER PLäTZCHEN (KOEKIES)

200g Botter
1 pakkie Vanielje suiker
150g Suiker
325g koekmeel
1 Eier
100g maizena

Meng al die droë bestandele saam. Meng dan die botter stukkie vir stukkie in. Voeg dan eier by en knie die deeg nog ‘n bietjie Met die Mixer. Daarna nog met die hand Knie en rol uit en druk vormpies uit van keuse. Bak vir so 12 min teen 200 grade. Wanneer afgekoel versier soos jy lus het. Ek het konfyt en gekapte amandels en gesmelte sjokolade opgesit! Geniet dit.

Bron en foto: Charlene Neubert

ANEL SE MELTING MOMENTS
250g botter
½ koppie olie
1 koppie versiersuiker
1 koppie mielieblom (corn flour – Maizena)
2 ½ koppie koekmeel
2 teelepels vanilla
Meng alles saam.
Rol in balletjies en druk net liggies plat met vurk (of gebruik koekiedrukker – biscuit gun)
Bak teen 160 ºC vir so 10 min of tot ligbruin

Bron en foto: Anel Engelbrecht

BAR ONE ICING- VERSIERSEL

1 groot bar one
50 g bourneville sjokolade of goeie donker baksjokolade
250 ml vars room

Sny die bar one in stukkies gooi in n swaarboom kastrol. Voeg die donker sjokolade en room by. Smelt oor n matige hitte terwyl jy dit roer. Pasop vir aanbrand. Sodra al die nougat van die bar one gesmelt is sit die hitte af. Laat die mengsel oornag in die yskas. Dit moet baie koud wees. Klits die mengsel tot lig en romerig. Smeer elke cupcake met n bietjie karamel en versier met die icing. Bewaar in die yskas tot benodig.

Bron : Barbara Swart

PETRO SE BANGERS VIR MASH
Nie n resep nie … net peppers gebraai bangers gebraai en n soet kerrie sous gemaak …
15 ml Rajah med kerrie
15 ml suiker
15 ml appelkooskonfyt
Bietjie bruin asyn en water gemeng …stadig gekook vir n rukkie … en n klein bietjie meel by geroer om dit te verdik !

Bron en Foto : Petro van Genderen

MAKATAAN KONFYT — WAATLEMOENKONFYT
Sny een groot makataan in skywe van 5 cm en verwyder die groen skil en die binneste sagte gedeelte met die pitte.
Prik dan die heel waatlemoenskywe met ’n vurk en sny dit daarna in stukke.
Plaas in ’n kalkoplossing (25 ml gebluste kalk per 5 liter water) en week vir twee dae. Roer gereeld terwyl die stukke daarin week.
Spoel ná twee dae die stukke deeglik af en week vir 2 uur in skoon water voordat jy dit begin kook.
Verhit water in ’n groot kastrol tot by kookpunt en gooi ’n bietjie sout by.

Plaas die stukke een vir een in die kokende water en maak seker dat die water nie ophou kook nie, anders word die stukke pap. Kook tot die stukke helder is en jy maklik ’n tandestokkie in hulle kan steek.

Stroop
Weeg die vrugte en vir elke 1 kg waatlemoenstukke gebruik jy 2,5 liter water en 1,5 kg suiker wat daarin opgelos is.
Verhit die water en gooi die suiker stadig by terwyl jy aanhoudend roer totdat al die suiker opgelos is. Dit is belangrik dat die water nie moet kook voordat al die suiker opgelos is nie.
Gooi 25 ml suurlemoensap en 4 stukke gedroogde gemmer by die stroop en kook 10 minute lank
Plaas die waatlemoenstukke geleidelik daarin en kook totdat die stroop begin dik en die stukke deurskynend word.
Pak die konfytstukke in skoon flesse, gooi die warm stroop oor en verseël dadelik.
Bron en Foto : Johan Du Preez Snr

MIN TYD LEMOENKOEK

1 pak wit koek cake mix en koek gebak volgens instruksies op pak, voeg net bietjie lemoengeursel by mengsel
1 bakkie Spar cheesecake mix, aangemaak met melk in plaas van water
250 ml room
wit sjokolade
versierings – klein halfmaan lemoentjies/suurlemoentjies

Sny koek in vier lae. Gebruik kaaskoekmengsel om tussen lae te smeer. Lekker dik. Eindig met koeklaag. Klits 200ml room styf en druk rose op koek. Smelt sjokolade en orige room en gooi oor koek. Versier met versierings.

Bron en Foto : Renata Strydom Engelbrecht

FRANCO SE SOP- EN ROOMBROODJIE

Bestanddele
1 pk winkel deeg (1 kg)
1 pak wit uie sop poeier
125ml room
200g repie spek
1 koppie mature cheddar kaas

Metode
Deel deeg op in balle in gesmeerde oondbak. Gooi alles bo op en bak teen 180 tot goudbruin en gaar.

Bron en Foto : Franco Dippenaar

ELSA SE CHILLI GARLIC RELISH
Chilli garlic relish. Heerlik met braaivleis en ook op braai broodjies.
2 toontjies knoffel
1 van elk: rooi en geel soetrissies
brandrissies na smaak
olyfolie

Blits al die bestanddele behalwe olie in voedsel verwerker, bottel en bedek met olyfolie.
Bron en foto: Elsa Meintjies