PIESANGBROOD MET PIESANG EN APPEL
2 groot ryp piesangs
1 gerasperde appel
25 ml olie
½ teelepel sout
1 teelepel kaneel
½ teelepel gemenge speserye
1 teelepel vanilla geursel
2 koppies koekmeel
1 ½ teelepel bakpoeier
1 teelepel koeksoda
½ koppie melk
1 koppie suiker
2 eiers

Oond 180°C. Meng piesang (fyn gedruk) en appel, suiker en olie. Sif 2x meel, bakpoeier, kaneel, gemengde speserye en sout saam  en meng met piesangmengsel. Klits eiers goed en voeg by. Maak koeksoda aan met melk en geursel en meng laaste by. Skep in voorbereide pannetjies. Bak vir 1 uur of tot gaar toets.

Resep en foto: Rindi Scheepers-Becker

Bestandele:
500 g botter of margarien
375 ml suiker
500 ml karringmelk
15 ml vanieljegeursel
1,75 kg (7 k) koekmeel
50 ml bakpoeier
3 ml sout
250 ml (1 k) fyn weetbix/allbran/semels
250 ml (1 k) Oreo koekies fyn gemaal
250 ml (1 k) gedroogde cranberries

KOMKOMMER SMOOR
250 g spek
3 komkommers
100 ml asyn
150 ml suiker
2 teelepels maizena

Vandag iets anders probeer waarvan my pa altyd gehou het.
Komkommer smoor.
Braai 250 g spek tot net crispi en sny 3 komkommer kwarte.
Voeg dit by die bacon en kook tot net sag. 100ml asyn, 150ml suiker en 2 t maziena.
Voeg dit by die komkommer en kook tot gaan.
Lieflik!

Elizabeth Haupt

SOETSUUR GHERKINS
3 kg gherkins
500 g suiker
750 ml asyn
250 ml water
1 teelepel sout
1 teelepel borrie
1 teelepel dill
1 teelepel mosterdsaadjies
3 stukke droë gemmer
5 suurlemoenblare of lourierblare

Berei flesse voor. Plaas ‘n skyf ui onderin elkeen.
Was gherkins met sponsie of borsel om stof en/of grond te verwyder.
Sny koppies af en sny in skyfies.
Voeg al die bestanddele in ‘n pot (behalwe die gherkins) en kook.
Voeg gherkins by. Roer van tyd tot tyd.
Laat kook totdat die groen kleur van die skilletjies in liggroen verander.
Kook ‘n verdere 15 minute.
Haal die suurlemoen/lourier blare en die gemmerstukke uit.
Bottel warm.
Sophia Bester Agenbag het jare gelede die resep by Marina Siebrits van Wellington gekry.

PAUL HOLLYWOOD SE CRUMPETS

Paul Hollywood se Crumpets vanoggend gemaak vir ontbyt – met tuisgemaakte appelkooskonfyt en kaas.
175 g sterk witbroodmeel
175 g koekmeel
14 g kitsgis
1 eetlepels strooisuiker
350 ml warm melk
Los die suiker in die melk op, voeg by die meel en meng goed. Baie harde werk vir die hande, trek die menger nader en laat loop vir so 3 minute.
Sit ‘n doek oor en laat rys vir 1 uur. Die deeg sal hoog rys en dan begin terugval, dis wanneer dit reg is om te gebruik.
Meng nou :
150 ml lou water
½ teelepel koeksoda
1 teelepel sout
Klop by die meelmengsel om ‘n dikkerige deeg te vorm. Laat staan vir 30 minute.
Bak in houertjies in a pan op matige hitte. Wag tot die bokant byna gaar is voordat dit omgedraai word.
Geniet!

Foto: Nicolette Fick

LAM TJOPS
lamstjops
olyfolie
growwe / fyn swart peper
fyn knoffel in olie
bitter min growwe sout

Grill die lamstjops op oop vlam. Kwas met bietjie olyfolie. Sprinkel growwe of fyn swartpeper. Kwas verder met fyn knoffel in olie. Moenie knoffel te vroeg opsit. Knoffel kan brand en bitter word. Laastens effens growwe sout. Ek berei die meeste van my kos met minimale sout, soms niks.

Fanie Smit

MIKROGOLF BOBOTIE
1 ui
25 g (30 ml) botter/margarine
20 ml kerriepoeier
7 ml sout
2 ml borrie
sap van 1 heel suurlemoen
1 kg maalvleis
50 g (150 ml) sagte broodkrummels
175 ml blatjang
100 ml droë witwyn
50 ml fyn appelkooskonfyt
100 ml melk
2 eiers

PASTEI DE NATA (VLA TERTJIES)
puff pastry
3 koppies melk (of 2 koppies melk en 1 koppie room)
375ml suiker
1 teelepel botter
6 groot eiergele
40ml maizina

Rol puff pastry dun uit. Voer muffin pan uit. Sit eenkant. Kook 3k melk(of 2 koppies melk + 1 koppie room) plus 375ml suiker plus teelepel botter. Sit eenkant. Meng 6 groot eier gele met 30ml melk en 40ml maizina. Meng vinnig saam met melk mengsel. Dit word gou dik. Skep in muffin pan. Bak op 160 vir so 25mins. Sit oond op grill net so paar minute vir kleur!

Foto en resep:  Dorea Fischer

BEESSTERT WENKE

Pieter Coetzee:
Braai eers bruin in pot. Gooi koppi rooiwyn en uie saam in warm pot, nou n koppie vleis aftreksel met teelepel gemende kruie, en laat kook vir 3ure. Proe vir sout en peper en pas aan. Ons gooi ook n blikkie gekapte tamaties by en los vir n uur. In totaal ongeveer 3 ure.Proe gereeld.

Rachel Ras :
As jy n slowcooker het…marineer en garneer die beesstert na smaak en sit deurnag in jou slowcooker! Heerlik sag en smaaklik!

Hanlie Grobbelaar :
Ek kook myne met n hele bottel rooiwyn. Braai bruin saam met uie en knoffel dan gooi ek n bottel goeie rooiwyn in. Top op met water of aftreksel as dit droogkook. Kook stadig vir 2-3 ure en voeg dan die aartappels en groente by. Dit maak ‘n dik donker sous. Ek het al n potjiekos kompetisie gewen met hierdie resep!

Elrika Lesch
Nuttelose inligting : Wanneer Beesstert op n billike aanbod te koop is…. koop ek n paar pakke … stoom dit in my drukpot vir 20 minute ….. Skep ergste vet af en skep beesstert en sous in ZIPLOCK FREEZER sakkies …. Seel lugdig en vries. Wanneer jy vir n lekker pot lus kry hoef jy net groente by te gooi en goed deur te kook … 30 minute max

Petro Borchard
Ek maak altyd ‘n hele slowcooker vol wanneer ek oxtail kook. Laat afkoel wanneer dit sag is en skep die vet af. Ek vries dit wat te veel is met genoeg sous, voeg groente by die res en kook tot dit verder. Soos meeste stews verbeter dit ook deur die word-vervolg metode.

Karen Neethling Vd Merwe
Ek hou daarvan om die lekkerny te laat afkoel deur die nag, die harde vet af te skep die volgende dag en dan begin ek hom weer, met bietjie brandewyn en coke 😉 en bedien met stampkoring.

witbrood

kaas

tamatie

uie

sout, peper, knoffelvlokkies

botter

Ek gebruik gewone witbrood en ek sit baie kaas, baie tamatie en baie uie op en geur dit met sout, peper en knoffelvlokkies. Dan maak ek die broodjie toe en smeer dík botter net aan die buitekante, gladnie binne nie! Die broodjies word dan toegeklap in ‘n roostertjie wat spesiaal gemaak is vir braaibroodjies (te koop by Spar) Die botter aan die buitekant maak dat die broodjie nie aan die rooster vassit nie – die meeste botter braai weg op die rooster en is dus gladnie ‘n olierige broodjie nie, maar dit verskaf daardie noodsaaklike braaibroodjie geur!

O ja, ek’t vergeet om te noem – die tamatie kom tussen die kaas en uie, want dan raak die tamatie nie aan die broodjie om dit “soggy” te maak nie – dus bly die broodjie heerlik “crispy”
Almal sê altyd my braaibroodjies is die lekkerst wat hulle nòg geëet het!

Sansha Meyer