NAAN MET KOMYNSAAD BROODJIE
Gisteraand se oorskiet kerrie smaak vanaand nog beter saam met tuisgebakte naan broodjies met komynsaad.
Naan met komynsaad (Eng = cumin)
2.5 koppies koekmeel
2 teelepels bakpoeier
125 ml lou warm water
125 ml olyf olie
1 teelepel sout
2 teelepels komynsaad (heel)
Sif meel, bakpoeier en sout en gooi komynsaad by, gooi olyf olie en water by en meng goed (ek gebruik sommer my deeghak op menger). Knie liggies vir ‘n minuut en deel deeg in ongeveer 8 gelyke hoeveelhede. Rol elke bolletjie uit in langwerpige vorm ongeveer 5 mm dik. Sit op ‘n gesmeerde bakplaat of net bakpapier, sprinkel met bietjie olyf olie en growwe sout. Bak by 200°C vir 10 minute.
Ek het agtergekom die naan broodjies lyk bruiner op hulle onderkant, so bedien met die onderkant bo.

Foto: Elsabie Templeton
Bron: Elsabie Templeton

HOENDER, KEKKERERTJIE EN EIERVRUG KERRIE MET KLAPPERMELK
Resep en foto’s: Elsabie Templeton
FOOD LOVERS RECIPES
Maak eers die Kerrie sous en sit dan die stukkies gesnyde hoender borsies by sodat die hoender nie te lank kook en kliphard word nie.
1 groot ui gekap
1 teelepel knoffel gerasper of fyngedruk
2 teelepels gerasperde vars gemmerwortel
Sap van 1 suurlemoen
1 medium groote eiervrug afgewas, droog gemaak en in blokkies gesny met skil aan
3 eetlepels kerrie poeier van sterkte soos verlang
2 eetlepels breyani kruie
2 teelepels borrie
2 teelepels fyn komyn
2 teelepels fyn koljander
1 eetlepel mosterdsaad
2 eetlepels Garam masala
Blikkie klappermelk
Blikkie kekkerertjies (chicpeas) gedreineer
4 medium groote hoender borsies in blokkies gesny

Braai die eiervrug blokkies en uie in genoeg olie, wanneer dit begin verbruin gooi die kruie en speserye by.
Braai liggies vir ‘n paar minute om die geur van die kerrie uit te bring.
Voeg die klappermelk en kekkertjies by asook die suurlemoensap.
Prut liggies tot die sous begin dik word en die sade sag is.
Skep die hoender stukkies by en prut tot die hoender gaar is maar nie hard nie.
Bedien met basmati rys, ongegeurde jogurt, vars koljander blare en piesangs.

SUENELL SE SOUTTERTJIES
200grm Ham
300grm Smokies(gerookte worsies)
200grm Mushrooms
200grm Kaas
Als fyn gerasper.
2 pakkies souspoeier
2 eiers
100grm koekmeel
400ml Melk/room
200ml Water – warm
Klits als saam baie goed.
Sout en pepper na smaak, ek het half teelepel gedroogte Italian herb by gevoeg.
Voorverhit oond tot 180”c
Spuit twee muffin panne uit.
Skep die vleis mengsel in die pannetjies, sit kaas bo op.
Gooi melk mengsel boo or.
Kan gerookte paprika of petersielie oor gooi .
Bak vir 35-40min tot gaar

Bron en Foto: Suenell Liebenberg

HOENDER CHAKALAKA SLIDERS
1 heel gaar hoender, ontbeen en uitgepluis.
1 blik chakalaka, mild and spicy
1 koppie mayonnaise
1 teelepel knoffelpoeier
1 teelepel pietersielie
1 koppie wit cheddar kaas, gerasper
1 eetlepel gesmelte botter
12 sagte broodrolletjies ( verkieslik die wat aan mekaar is )
Meng mayonnaise met knoffel en pietersielie.
Sny rolletjies in die helfde deur. Haal versigtig die boonste gedeelte af. Pak onderste gedeelte van rolletjies in oondbak. Smeer van die mayo mengsel oor die rolletjies. Hou bietjie van mayo oor. Sit hoender op, gevolg deur chakalaka. Sit res van mayo oor, sprinkel met kaas, en bedek met boonste gedeelte van rolletjies. Smeer bo kant met gesmelte botter. Plaas in voorverhitte oond teen 180ºC vir sowat 12-15 minute.
Haal uit en sny rolletjies al met die lyn af.

Resep: Charleen Nieuwenhuizen
Foto: Sonja Young

SUIKERKOEKIES MET ROYAL ICING
Lewer sowat 60 koekies
125 ml sagte botter of margarien
250 ml suiker
1 eier  kamer temperatuur
30 ml vanielje
625 ml (2 ½ koppies ) koekmeel
10 ml bakpoeier
30 ml melk, louwarm
2.5 sout

Klop botter/margarien met houtlepel of klits met elektriese klitser, voeg suiker geleidelik by en klop tot goed gemeng. Voeg eier, melk en geursel by. Meng goed.
Sif koekmeel, bakpoeier en sout saam en voeg by bottermengsel. Klits aanvanklik en knie as deeg te styf word.
Meng alles goed saam en laat laat 1 uur of langer op ‘n koel plek staan voor jy uitrol
Voorverhit oond tot 190°C of 375°F.
Rol deeg 3 mm dik uit en sny of druk af soos verkies.
Plaas koekies so 2,5cm vanmekaar op ‘n gesmeerde bakplaat en bak 8 to 10 min lank.

Icing:
500 ml versiersuiker
2 teelepels suurlemoensap
2 x eierwitte
1 teelepelvanielje
Gooi alles saam en klits. Dit moet nie meer so erg blink wees nie, so 5 min se klits. Het my koekies oor nag gelos om droog te word. Het nie icing lank genoeg geklits nie. Toe vat dit lank om hard te word.
Ek is maar nog ‘n beginner so ek oefen ook maar nog. Geniet.

Foto: Leandra Hall

ONFEILBARE SKONS
2 koppies meel
4 teelepels bakpoeier
sout
2 eier
1 koppie melk
½ koppie olie

Meng die droë bestanddele. Klits die eier, melk en kookolie saam en meng
met droë bestanddele. Bak in kolwyntjie pannetjies vir ongeveer +/- 10 min by 200 ºC ( 12 standaard skons)

VIR KAASSKONS:
Gooi handvol kaas in beslag, gooi gerasperde kaas bo-oor, bietjie pietersielie en paprika.
Moet by sê deeg was nog te nat en ek wil my deeg uitrol en self uitdruk….glo mens kan daai metode gebruik, maar ek het net nog meel bygevoeg tot dit bind en reg is om uit te rol. My beslag dubbel aangemaak.
Omdat ek dit groot dik skons gemaak het was dit ook langer in oond en langer gebak tot goud bruin en gaar.
Eerste keer wat ek olie gebruik inplaas van botter of margarine ….en ek het al BAIE skons gebak….maar mense die is ‘n wenner.

Bron: Lillian Olivier
Foto 1: Lillian Olivier en Mariska Louw
Foto 2: Bettie Zeelie
Nota: So het my scones uitgekom ek het dit by 180 grade gebak vir 15minute

MINESTRONE SOP A LA ELSABIE
1 groot ui gerasper
2 aartappels gerasper
3 wortels gerasper
‘n bos seldery stingels en blare opgekap,
5 baie ryp tamaties skilletjies in kook water afgetrek en opgekap,
250g fyn gesnyde spek,
1 koppie 4-in-1 sop mengsel.
Ongeveer ‘n liter kookwater
Plaas alles in jou stoompot en stoom tot alles lekker sag is
Ek het effens te veel water ingegooi en toe met ‘n pakkie minestrone poeiersop dit verdik.

Foto en resep: Elsabie Templeton
2de foto:  Elsabie Templeton

Nota: Vanaand hierdie sop gemaak maar oorskiet riboog steak van gister bygesit. Heerlik!
Pittige (spicy) minestrone met gort en warm krakerige broodjies op koue hoëveld aand.
Vandag het ek die sop in my prut pot (slowcooker) gemaak en so 2 ure voor ete 500 g maalvleis geroerbraai tot lekker bruin en los en met baie gerookte paprika, fyn komynsaad en rissie vlokkies gesprinkel.
Dit gee ongelooflik baie geur aan die vleis en dus die sop.
Foto: Elsabie Templeton

LEWER EN NIERTJIE KOEKIES EN MIELIEKOEKIES
8 niertjies
± ½ skaap lewer
2 uie
3 aartappels
Maal bogenoemde alles saam.
Meng by:
2 teelepels asyn
1 koppie koekmeel
2 eiers
6 teelepels bakpoeier
‘n knippie sout en peper

Braai in diep olie.

Vir die mielie koekies
1 blik sweetcorn
1 koppie koekmeel
5 ml braai spice
5 ml sout
1 middelslag ui, fyn gekap
4 eiers
Meng alles saam en bak lepels vol in diep olie. Gooi Aromat na smaak oor.

Bron en foto: Christo Schmidt

ROMERIGE TUNA, PASTA EN BROKKOLI
4 koppies gaar pasta vorms
2 koppies liggies gestoomde brokkoli stukkies
2 blikkies gedreineerde gevlokte tuna
2 koppies medium dikte witsous
2 geklitste eiers
2 koppies gerasperde Cheddar kaas

Roer die eiers by die witsous in asook 1 koppie van die kaas. Meng al die bestanddele behalwe die ekstra koppie kaas. Skep in gesmeerde oondbak en bak vir 25 min by 180°C.

Resep en foto: Elsabie Templeton

GEBAKTE LEMOENPOEDING
NOTA: Vir die van julle wat grootmaat spysenering doen, het ek die resep 8 x vermeerder om 1 groot shafing dish vol te maak. Beproef.
3/4 koppie koekmeel
1/2 koppie suiker
1/2 koppie melk
1/2 koppie botter
1 jumbo eier
2 eetlepels appelkooskonfyt
1/2 teelepels bi-carb
1 teelepel lemoenskil gerasper
knippie sout
STROOP
1 koppie water
1 koppie lemoensap
bietjie suurlemoensap
1 koppie suiker
1 teelepel botter
Kook vir 3 min

Gooi stroop in pan.
Gooi beslag in stroop in pan.
Bak vir 30 min op 180 °C.
Die uitkoms was verruklik. Amper vergeet om foto te neem soos u kan sien. Bedien met vla of geklopte room.
Resep: my skoonma 89 jaar jonk 😍

Foto: Fanie Smit