HEERLIKE MIELIEBROOD
Foto:  Christina en LP Louw
FOOD LOVERS RECIPES
3 koppies bevore pitmielies
1 blik suiker mielies
4 ekstra groot eiers
50 ml olie
100 ml suiker
½ koppie melk
1 koppie semolina
100 ml koekmeel
½ teelepel sout
1eetlepel bakpoeierGebruik 2 x 23 x 14 cm panne.
“Spray & Cook”
Maak gepitte ontdooide mielies fyn in voedsel verwerker . Dit moet nog effens grof wees.
Meng geroomde mielies by.
Klits eiers, olie, melk, saam en klits dan die mengsel by die mieliemengsel.
Meng die semolina, koekmeel, sout, bakpoeier saam en roer in by die mieliemengsel.
Verdeel tussen die 2 panna.
Bak 180ºC vir 50 – 55 min.

Ek het my SO PAS baie verbaas en voel soos Jamie Oliver!!!

Ons braaihoender is reg v.d kole!!
Hoender borsies sonder vel.
Suurlemoene (baie).. Tannie Ina Paarman se lemon&rosemary sout..greenpeppers en baby marrows.  Jy kan enige ander groente bysit as jy verkies, onthou net die hoender word baie vinnig gaar.
Mmmmmmm!!!! Kan nie wag vir die eindproduk nie.
Ek het hoender so in foil gesit en met toeklap rooster en toe op die kole gesit en stadige kole..  tot dit deur gaar is.  Ongeveer 10-15min)

foto en idee van Louise van der Merwe

MEYER SE MIELIEPAPBALLE
In aparte kastrol, maak mieliepap styf aan en kook tot gaar. Laat afkoel.
Maak ronde balle (grootte afhangende van wat jy verkies)
Pak balle in glasbak en druk gaatjie in elke bal
Maak Sheba van die volgende: tamaties, sampioene, geel, rooi en groen peppers. Geur na smaak.  Sheba is lekker dik sous van bogenoemde alles saam gebraai.
Gooi bo-oor papballe

Braai so 1-2 uie tot lekker bruin
Gooi uie en roommielies bo-oor sheba mengsel
Een bakkie room bo-oor mengsel
Strooi genoeg gerasperde kaas bo-oor
Bak vir ongeveer 1 uur by 180ºC of tot die kaas gesmelt en die room dik is
Resep aangepas deur Amanda Conradie
Resep en foto verskaf deur Meyer Combrink

BOELIEBIEF MET KOOL EN BROCCOLI OP PASTA
1 ui
Halwe groen soetrissie
1 pk  x 250 g sampioene (opsioneel)
Teelepel paprika
Gesnipperde kool ,so n kwart van ‘n heel koolkop
Blikkie boeliebief
1 pk knorr bacon & cheese souspoeier
Koppie melk

Smoor ui , soetrissie in bietjie kookolie. voeg paprika by.
Roer gesnipperde kool by en roerbraai vir paar minute tot sag.
voeg gesnyde sampioene by
voeg boeliebief en gemengde kruie by.
maak pakkie souspoeier met lou melk aan .gooi oor en laat deurkook. geen ekstra sout nodig. ek gooi bietjie suurlemoenpeper (Ina Paarman) by.
En dis dit!
En gebruik verder jou verbeelding om dit op te kikker!!

Pam Smal se resep en foto

2.5 kg vark (spare ribs)
1 ui fyngekap
1 eetlepel fyn knoffel
1/2 koppie asyn
1 koppie smoked bbq sous
1/2 koppie botter
1 koppie water
1 suurlemoen se sap
1 koppie tamatiesous
Sout en Peper
Plaas ribbetjies in ‘n groot pot en bedek met water. Kook vir omtrent 1 uur tot vleis sag is.
Smelt botter, voeg ui en knoffel by en braai tot gaar.
In ‘n blender meng water, asyn, tamatiesous, bbq sous en suurlemoensap – voeg bottermengsel by en maak fyn vir 1 minuut.
Gooi sous in ‘n pan, voeg sout en peper by en kook vir ‘n paar minute.
Gooi sous nou oor ribbetjies en marineer ten minste oornag.
Braai ribbetjies op medium hitte vir 10 tot 20 minute – smeer sous oor terwyl dit gebraai word.
Heerlik!!!!
Resep en foto: Louise Venter

SPINASIE SAMPIOEN SPEK EN FETA QUICHE
Foto: Wilna Dorfling
Tweede foto: Nadine Nortier
FOOD LOVERS RECIPES
240 g koekmeel
230 g botter
150 g Cheddarkaas
Vulsel:
500 g spinasie
45 ml olie
250 g spek
1 groot ui
1 knoffelhuisie
300 g sampioene
sout, peper en Aromat
100 g gerasperde Cheddarkaas
Bolaag:
3 eiers
150 g korrelerige maaskaas
100 ml melk
1 wiel Feta

Meng al die bestanddele met ‘n voedselverwerker totdat dit ‘n deeg vorm.
Gebruik dan ‘n koekpan met ‘n los boom en smeer die kante en die boom met die deeg.
Laat staan in die yskas vir 15 min.
Soteer die spek, uie, sampioene en knoffel in olie tot gaar.
Kook die spinasie en voeg by die gaar spekmengsel. Laat dit vir 5 min kook.
Voeg al die speserye by. Skep mengsel eweredig in pan.
Strooi gerasperde kaas oor.
Klits al die bolaag se bestandele behalwe die Feta.
Giet die mengsel oor die spinasie. Frummel dan die Feta kaas oor.
Bak vir sowat 40 min in die oond by 180°C.
Bedien warm of koud saam met gebraaide kersie tamaties, of net ‘n lekker mengelslaai.

Nadine Nortier:  Ek het net die vulsel verander na bacon en worsies omrede manlief nie spinasie eet nie.

PETRO SE HAM SOUTHAPPIE BALLETJIES
Groen Balletjies
1/2 koppie gemaalde gaar Ham
Geel van 1 hardgekookte Eier
1/2 koppie gerasperde Kaas
1/2 teelepel aangemaakte Mosterd
Sout en Peper

Meng al die bestanddele saam en vorm balletjies
Rol oor fyngekapte Pieterselie en laat goed koud word.
Steek tandestokkie in elkeen en bedien as southappie

Resep: Petro Calitz

PETRO SE HAWAIISE SKUIMTERT
½ koppie Holsum
¼ koppie suiker
1 eiergeel
1 koppie koekmeel
Room die holsum en suiker saam, voeg die eiergeel by en klop tot gemeng.
Werk die meel in by die holsummengsel en knie liggies.
Druk die deeg vas in ‘n diep tertbak se bodem.
Bak die kors in ‘n voorverhitte oond by 200ºC vir 10 – 15 minute. Verwyder uit die oond en laat die tertkors afkoel.
Vulsel:
1 blikkie fyn pynappels
water, soveel soos benodig
2 eetlepels Maizena
2 eiergele
¼ koppie suiker
1 eetlepel suurlemoensap
Dreineer die pynappelsap in ‘n koppie en voeg water by tot dit ‘n ½ koppie is.
Voeg die pynappelsap en water in ‘n kastrol en voeg die Maizena, eiergele, suiker en suurlemoensap by.
Roer die mengsel oor lae hitte totdat dit begin kook en dik word.
Verwyder van die hitte, roer die pynappel by en laat afkoel. Skep die pynappelmengsel op die tertkors.

Skuimtert bolaag:
3 eierwitte
155 g suiker
Klits die eierwitte tot styf terwyl die suiker geleidelik bygevoeg word.
Skep die meringue oor die pynappelvulsel.
Bak die tert in ‘n voorverhitte oond by 150ºC vir 10 – 15 minute.

Resep: Petro Calitz

APPELLIEFIE TERT MET IDEAL MELK
1 klein blikkie Appelliefies.
1 blikkie Ideal melk
1 pkt Suurlemoenjellie.
2 E Suiker.
2 E Vlapoeier. Sout.
Gooi stroop van vrugte af.
Gooi stroop terug in blikkie en vul aan met water tot vol.
Sny vrugte in die helfte.
Kook die stroop en water met jellie en suiker.
Maak vlapoeier aan met bietjie water en verdik stroop.
Klits Ideal Melk tot styf.
Voeg die vrugte en verdikte stroop mengsel bymekaar.
Vul tertdoppe met vulsel en plaas in yskas.
Marie- of Tennis Beskuit Kors kan gebruik word
Resep: Petro Calitz

GESTOOMDE KERSPOEDING
250 ml suiker
60 ml sagte bruinsuiker
1 eier, geklits
10 ml koeksoda
250 ml water
250 ml margarien
2 ml gemmer
250 ml melk
250 ml vrugtekoekmengsel
30 ml appelkooskonfyt

knypie sout
500 ml ongesifte koekmeel
Plaas suiker, water, vrugtemengsel en bruinsuiker in n stoompot en kook 5 minute saam.
Meng botter, konfyt, eier, gemmer en sout.
Los koeksoda op in melk en roer  beurtelings met meel by bottermengsel.
Skep deeg op vrugtemengsel, sit deksel van stoompot op, plaas in ‘n kastrol gevul met water.
Laat 3 ure stoom.
Vul water met kookwater aan wanneer nodig.
Keer poeding op ‘n opdienbord uit en versier met room, vlasous of roomys.

Petro Calitz