KNOFFELAARTAPPELS
Aartappels in skywe gesny
‘n klompie gesnipperde sampioene
sout en peper na smaak
Fyn knoffel na smaak
1 pakkie potatobake
Gerasperde kaas
Sny die aartappels in skywe. Kook tot amper sag. Skep dit in ‘n oond bak. Gooi gesnipperde sampioene, sout, peper en knoffel oor. Maak ‘n pakkie patato bake aan en gooi bo oor. Gooi gerasperde kaas bo oor en bak teen 180 tot goudbruin. Geniet.
Bron en foto: Koos Breytenbach

SAMOESA MAALVLEIS VULSEL
1 ui fyn gekap
250 g maalvleis
1 teelepel borrie
5 teelepels maizena
5 teelepels kookolie
2 teelepels kerrie
1 teelepel sout
Braai uie tot sag oor matige hitte
Roer maalvleis in
Voeg borrie, kerrie en sout by
Braai 5 min saam
Maak maizena met bietjie water aan
Kook tot dik, koel af en vou jou samoesa
Ek gebruik die resep al jare
Bron: Anna-Marie Kotze

MIELIEKOEKIES MET TWEE SOORTE MIELIES
1 blik Pitmielies [420 g] water afgegooi
1 blik Veroomde Suikermielies [410g]
250 ml melk
450 ml bruismeel
2 eiers
Sout

Klits eiers.
Voeg pitmielies, suikermielies, melk en sout by. Meng goed.
Roer bruismeel bietjie – bietjie by tot deeg drupbeslag vorm.
Bak in kolwyn panne of groot pan by 180 º C tot gaar.
Bron: Jeanette Gouws

SOUTBALLETJIES

Rasper 1 klein Polony in:-
2 koppies koekmeel
2 teelepels bakpoeier
1 teelepel sout

Klits saam:-
1 eier
1 koppie melk
2 eetlepel olie

Meng met droë bestanddele.
Drup teelepels vol in warm olie.
Bak tot ligbruin. Haal uit en plaas op kombuispapier.
Strooi lemoenpeper, Aromat of knoffelsout oor balletjies.

Bron en foto: Jeanette Gouws

KOOL-EN-AARTAPPEL CHAKALAKA GEBAK
Bestanddele:
helfte van ‘n groot koolkop, fyngekerf
10 medium aartappels in ringe gesny
1 blik mild en spicy chakalaka
500ml room
kaas (opsioneel)
Metode:
Laat die fyngekerfde kool in kookwater staan tot effens sagter. Dreineer goed. Skep in n lagie in oondvaste bak. Smeer nou die chakalaka oor.  Pak n laag van die aartappels, net so rou, oor. Geur met sout en peper of spices van jou keuse. Gooi room oor en bak in die oond tot die aartappels gaar is. Ongeveer ‘n uur by 180 grade.  Indien verkies kan kaas oorgestrooi word.
Bron: Jacques Marianne Van Niekerk

KOFFIE EN KANEELKOEK
250 ml kookwater
10 ml koffiepoeier
75 ml kakao
6 eiers geskei
45 ml water
500 ml strooisuiker
250 ml olie
10 ml vanielje
625 ml koekmeel
15 ml bakpoeier
knypie sout
5 ml kaneel

Voeg kookwater,koffie en kakao bymekaar en klits tot alle klonte opgelos is. Sit eenkant om af te koel.
Klits eiergele met water eers goed, voeg strooisuiker bietjiesgewys by en klits vir minstens 3 min. met elektriese klitser.
Klits olie, vanielje en kakao-mengsel by.
Sif koekmeel, bakpoeier, sout en kaneel saam. Roer by eiermengsel.
Klits eierwitte styf en vou by beslag in.
Skep beslag in twee koekpanne met 22 cm deursnee en bak vir 35 min of tot toetspen skoon uitkom.

Versiersel:
10 ml koffiepoeier
60 ml warm melk
125 g botter
750 ml versiersuiker
5 ml karamelgeursel
100 g pekanneute, gekap
1 melksjokolade – crunchie, grof gekap

Meng koffiepoeier met warm melk en laat afkoel.
Room botter tot donserig en liggeel. Voeg versiersuiker bietjiesgewys by. Wanneer versiersuiker droog word, begin van melkmengsel byvoeg. klits laastens karamelgeursel by. Versier koek en rond met gekapte neute en crunchie af.
Foto:  Hettie Theunissen

BAKED BEAN SALAD
1 blik baked beans
1 gekookte eier
1 klein ui fyngekerf
2 viennas fyn gekerf
Koppie kaasblokkies
Greenpepper fyngekerf na smaak
Meng alles met lepel mayonaise.
Bron: Lizette Erasmus

GRONDBOONTJIEBOTTER KOEKIES
2 koppies grondboontjiebotter (smooth as jy ‘n koekiedrukker gebruik)
2 koppies bruinsuiker
2 koppies witsuiker
500 g sagte botter of margarien
4 eiers
5 koppies koekmeel
2 t koeksoda
1 t sout
Room die botter, grondboontjiebotter en suiker saam. Voeg die eiers by en meng. Voeg die res van die bestanddele by en knie tot gladde, elastiese deeg.
Die resep werk goed in ‘n drukker, of jy kan balletjies rol en met ‘n vurk bietjie plat druk. Bak 12-15 min teen 180.  Hierdie mengsel werk baie goed in die koekiedrukker.

Resep en foto: Jeanette Martins

PRAWN SALAD
1 paw paw chopped into blocks
1 avocado chopped into blocks
1 cup prawns (shelled and clean)
1 red onion chopped
Mix all the above ingredients together in a salad bowl

SALAD SRESSING
half cup olive oil,
brown sugar
half cup of lemon juice
salt and pepper to taste.
Mix all the salad dressing ingredients together and pour over salad.
SOURCE/PHOTO: Anna Mtshweni

ALICHA SE BUTTERNUT SOP
3 klein tot medium Butternuts
2 medium uie opgesny
5-10 ml kerrie
sout na smaak
250 ml room of melk
chicken stock blokkie opgelos in 750ml kook water

Kook die butternuts op en maak fyn
braai die uie in ‘n bietjie olie tot gaar. Voeg dan die Kerrie by en braai vir so 5minute.
Voeg nou die butternut by die uie mengsel
Los die chicken stock op en voeg by die butternut
meng lekker deur
Voeg nou die 250ml room by (die melk kan jy bietjie warm maak voor jy dit bygooi)
Laat prut vir so 15min op lae hitte tot alles lekker deur gekook is.
Indien nodig sit in die food prosessor om nog fyn te maak.

Ek maak die sop gereeld. Dis heerlik en die Kerrie gee ‘n lekker skop. Ek gooi gewoontlik 10ml by. Dit vries ook baie lekker. Ek maak gewoontlik die sop nog fyn dat hy smooth is sommer met ‘n hand blender.
Bron: Elré van den Heever van haar vriendin Alicha