KERRIE LAMSNEK MET AARTAPPELS EN GEELRYS MET ROSYNE

KERRIE LAMSNEK MET AARTAPPELS EN GEELRYS MET ROSYNE
1 lamsnek in die lengte deur gesaag
2 uie
1 teelepel knoffel
2 kaneelstokkies
4 heel naeltjies
3 kardamompeule
5 kerrieblare
2 lourierblare
½ teelepel fyn koljander
2 teelepels kerrie
2 teelepels borrie
1 vinger vars fyn gekapte gemmer
1 teelepel garum masala
1 teelepel fyn komyn
1 pakkie tamatiepuree
2 fyngekapte tamaties
2 biefblokkies opgelos is 500 ml kookwater

Braai halwe lamsnekke in n bietjie olie tot bruin.. Skep uit en hou eenkant..
Soteer uie in dieselfde kastrol op lae hitte tot goudbruin. Voeg knoffel, kaneel, naeltjies, kardamom, kerrieblare, lourierblare, koljander, kerrie, borrie, gemmer, garum masala en komyn by.
Braai stadig deur terwyl dit geroer word. Voeg ‘n bietjie water by indien dit lyk of dit wil aanbrand. Voeg tamatiepuree en tamaties by. Kook goed deur.
Voeg biefblokkies opgelos in water by. Meng goed met kerriemengsel. Sit halwe nekke in pot en laat prut op laag vir 1 uur en 15 minute. Voeg aartappels en geelwortelstukke by, en prut vir ‘n verdere uur en 15 minute..
Resep en fotos: Petré van Jaarsveld

GEELRYS MET ROSYNE
1 koppie rys
1 kaneelstok
3 kardamompeule
sout na smaak
1 teelepel borrie
½ koppie pitlose rosyne
2 eetlepels botter
suiker na smaak

Plaas die eerste 5 bestanddele in ‘n pot en bedek met water.
Bring tot kookpunt en verminder die hitte. Kook verder tot rys sag is. Spoel af onder lopende water om van die oortollige borrie ontslae te raak. Voeg die pitlose rosyne, botter en suiker na smaak by.
Stel plaat op laagste, los deksel op en stoom deur tot rosyne lekker sag is.
Resep en fotos: Petré van Jaarsveld