ILZE SE KERRIE EIERS MET ERTJIES

ILZE SE KERRIE EIERS MET ERTJIES
Foto en resep:  Ilze Garbers Jacobs
FOOD LOVERS RECIPES
So dis ‘n ou variasie op ‘n gunsteling van my ma – kerrie eiers! Lekker op ‘n Sondagaand, of enige aand!
1 ui, gekap
2 knoffelhuisies, fyn gekap
2 cm vars gemmer, gerasper
10 ml olie
2 eetlepels kerriepoeier
2 eetlepels borrie
3 tamaties, gekap
400 ml water
1 koppie ertjies
5 ml suiker
1 eetlepel blatjang
100 ml room
sout en peper na smaak
vars koljander
2 – 3 gekookte eiers per persoon

Braai uie en knoffel in olie tot sag. Voeg gemmer by en braai nog 3 min. Voeg kerriepoeier en borrie by en braai 5 min oor lae hitte. Voeg tamaties en water by, en prut 10 min totdat 2/3 van die water weggekook het. Voeg ertjies, suiker en blatjang by en prut nog 5 min.
Roer room, sout en peper deur, sny gekookte eiers in halwes en sit in sous.
Gooi gekapte vars koljander oor (opsioneel) en bedien met basmati rys!