1

PATATBROODROLLE


PATATBROODROLLE
1 pak (1 kg) witbrood meelblom
1 koevert (10 g) kits droëgis
70 g witsuiker
7 ml sout
150 g botter of margarien by kamertemperatuur
2 eiers geklits
250 g gaar fyngemaakte louwarm patats
400 ml sterk lou water

Sif die meel, gis, suiker en sout saam. Frummel die smeer daarin. Meng die eiers en patats. Voeg dit saam met die water by die meelmengsel en roer tot taamlik goed gemeng.
Knie dit nou om ‘n sagte gladde elastiese deeg te vorm.
Plaas die deeg in ‘n groot houer wat mildelik met sonneblomolie gesmeer is.
Draai die deeg om sodat die gesmeerde onderkant bo is. Bedek die houer. Laat die deeg in ‘n warm plek rys tot dubbel die oorspronklike grootte.
Knie die deeg af, halveer dit en rol elke helfte op ‘n meelbestrooide deegplank uit in ‘n sirkel met ‘n deursnee van sowat 40 cm.
Sny elke sirkel in 16 ewe groot wiggies. Begin by die ronde rand en rol elke wiggie na die puntkant op.
Plaas die rolle met die puntkante onder ‘n entjie van mekaar af op gesmeerde bakplate. Bedek dit liggies of plaas die bakplate in groot plastieksakke, en laat die rolly by kamertemperatuur rys tot dubbel die oorspronklike grootte.
Voorverhit die oond tot 200 ºC. Verwyder die bedekking en bak die rolle sowat 20 minute tot mooi goudbruin. Laat hulle op ‘n draadrak afkoel. Sit hulle louwarm of koud voor. Lewer 32 broodrolle.
Resep geplaas deur: Brenda Litzke