ALTA SE GROENTE PIEKELS

ALTA SE GROENTE PIEKELS
1 groot Engelse komkommer, in klein blokkies gesny
3 middelslag uie, gekap
5 murgpampoentjies, in blokkies gesny
1 klein blomkool, in klein blommetjies gebreek
20 ml sout
Sous:
500 ml asyn
1 ml gemaalde wonderpeper
250 ml ligte bruinsuiker
125 ml witsuiker
10 ml borrie
10 ml droë mosterd poeier
5 ml gemaalde gemmer
25 ml Maizena

Plaas al die groente in ‘n groot bak en strooi sout oor, laat staan vir 24 uur (geen water word bygevoeg nie).
Dreineer en spoel goed af onder lopende koue water.

Sous:
Verhit al die bestanddele buiten maizena.
Prut vir 5 minute. Maak maizena aan met bietjie koue water tot pasta.
Voeg by sous en kook vir nog 2 minute. Voeg groente by.
Sit plaat af en sit kastrol se deksel op en laat staan vir 15 minute.
Bottel warm in gesteriliseerde bottels.
Nota: die oorspronklike resep kry ook 100 g boontjies (onthaar en in stukkies gesny) by.
Resep en foto: Alta Gunter van Dyk