DUITSE SANDKOEK – (SANDKUCHEN)

DUITSE SANDKOEK – (SANDKUCHEN)
Foto: Annelore van Solms Joubert
FOOD LOVERS RECIPES
Lekker ligte koek met ‘n sanderige tekstuur.
250 g Rama of ongesoute botter
200 g suiker
1 eetlepel vanilla
1 teelepel suurlemoen ekstrak
1 knippie sout
4 groot eiers of 3 ekstra groot
125 g koekmeel
125 g maizena
1⁄2 teelepel bakpoeier
versiersuiker om bo-oor te sif

Smelt die Rama (die margarien moet hoog in vet wees, ek gebruik Rama, botter is net vir my te duur.)
Laat dit afkoel tot weer ferm.
Klits op hoog tot lig. Klits maar lank.
Gooi suiker, vanilla en suurlemoen ekstrak by en kits tot glad.
Gooi een eier op ‘n slag by en klits vir ½ minuut elk.
Sif die meel, maizena en bakpoeier en sout en vou in teen medium spoed.
Moenie te veel klits nie, maak net seker alles is goed gemeng is.
Voer ‘ n 30 x 11 cm pan met bakpapier uit of twee kleiner broodpanne.
Gooi mengsel in, maak bokant gelyk en stamp die pan hard op ‘n gelyke oppervlak sodat die mengsel in die hoeke en af ingeforseer word.
Bak in ‘n voorverhitte oond op 170°C vir omtrent 65 minute of waaieroond op 150°C vir 40 minute tot ‘n toetspen skoon uitkom.
Sit foelie bo-op as dit te vinnig bruin raak.
Laat dit afkoel in die pan vir 10 minute, haal uit en laat heeltemal afkoel.
Sif versiersuiker bo-oor.