MELKTERT MET KOEKIEKORS

MELKTERT MET KOEKIEKORS
Kook saam:
1 Liter melk
3 eetlepels botter

Meng die volgende goed saam:
120 ml maizena
120 ml koekmeel
bietjie sout
5 ml vanilla essence
3/4 (driekwart) koppie suiker
3 eiers

Wanneer melk gekook het, gooi eiermengsel by melk terwyl jy aanhou klits.
Sit terug op die stoof en kook nog bietjie op lae hitte, pasop dat dit nie aanbrand nie.
Neem gesmeerde bak en pak laag Tennis beskuitjies onder in bak en wanneer mengsel gereed is, gooi oor beskuitjies, maak egalig en gooi bietjie kaneel bo-oor en sit vir paar ure in yskas tot gestol. Dis vinnige reseppie en heerlik.
Resep: Wilma Truter Roberts
Foto: Susanna Kruger