LELANE SE KERRIE EN RYS

LELANE SE KERRIE EN RYS
Kerrie en rys aand!
1 pakkie maalvleis (250 g)
1 aartappel, vooraf gekook tot sag en in blokkies gesny
½ ui
½ soet groenrissie
½ blik tamatie en uie smoor
Cape malay curry paste
1 teelepel bobotie speserye
1 teelepel borrie speserye
1 teelepel koljander
1 teelepel komyn
1 teelepel naeltjie poeier
1/2 teelepel paprika
1/2 teelepel kaneel
chutney en worcestersous na smaak
sout en peper na smaak
½ koppie fyn gemengede groente
1 blokkie bees blokkie

Braai ui en soet groenrissie in olie/botter tot sag.
Voeg jou droë speserye by.
Voeg dan jou maalvleis by en braai tot los en bruin.
Voeg jou kerrie paste, worcestersous en chutney by.
Voeg jou tamatie smoor ( of fyn gekapte vars tamatie) by saam met jou groente.
Voeg klein bietjie water by saam met jou bees blokkie en sit plaat op laag, bedek en simmer tot groente gaar.
Laat afkoel en meng jou aartappel by.
Bedien op basmati rys met piesang, klapper en chutney vir garnering.
Resep en Foto: Lelane Van Der Walt