POST TOASTIE POEDING MET VLAPOEIER

POST TOASTIE POEDING MET VLAPOEIER
Ek maak hom baie gereeld
1 koppie suiker
1/2 koppie botter
2 eetlepels vlapoeier
2 koppies graanvlokkies
5 koppies melk
3 eiers, geel en wit geskei
vanilla

Meng botter en suiker goed en voeg gebreekte graanvlokkies by.
Laat staan terwyl jy vla maak.

Meng vlapoeier met bietjie van die melk en voeg vanilla en eiergele by.
Verhit die melk en roer die eiermengsel by.
Laat kook en roer heeltyd tot mengsel gaar is.
Skep die graanvlokkie mengsel in gesmeerde oondpan en skep die vlamengsel bo oor.
Nota:  jy kan lae ook maak.
Klits die witte styf met 4 eetlepels suiker en skep dit bo-op poeding. ( Ek vat dubbel die witte en suiker)
Bak by 180°C tot mooi bruin.
BEDIEN MET DUN VLA
Resep geplaas deur Ronell Muller Boshoff