VARKNEK TJOPS MET GEMMERBESKUITJIES

VARKNEK TJOPS MET GEMMERBESKUITJIES
Foto van resep: Elna Erasmus
Ek het vanaand vir ons die gereg gemaak vir aandete.
15 ml koekmeel
sout en peper
1 kg varnek tjops (Ek het 1 kg varkfillet gebruik)
2 uie, gekap
3 repe spek
olyfolie
250 ml water of aftreksel
1 lourierblaar
190 ml perske of mangoblatjang
1 knoffelhuise, fyngedruk
150 g sultanas
4 peperkorrels, gekraak
2 patats, in skuifies gesny
130 g snoepuitjies, gedreineer
8 gemmer koekies, gekrummel

Geur meel met sout en peper en bedek die varktjops daarmee.
Skud oortollige meel af.
Plaas die tjops, uie en spek in ‘n groot pot oor matige hitte.
Bedruip met olyfolie en braai vir 10 minute.
Draai die tjops af en toe om sodat dit oral oor bruin braai.
Voeg die water, lourierblaar, blatjang, knoffel, sultanas en peperkorrels by.
Sit die deksel op en laat prut oor lae hitte vir 30 minute.
Voeg die patats by en prut vir nog 30 minute, of tot vleis en patats sag is.
Kyk gereeld in die pot en giet nog water of aftreksel by indien nodig.
Voeg die snoep uitjies en gemmer koekies by en meng deeglik.
Ek het nog so paar gemmer koekies gebreek en bo-oor gestrooi.
Vir die laaste 15 minute by 180°C gebak.