MY MA SE GEMMERBIER

MY MA SE GEMMERBIER
1,06 kg suiker
9 liter water
125 g gekneusde vars heel gemmer
½ koppie gekneusde rosyne
paar stukke gedroogde sitrusskil (lemoen of naartjie) optioneel
1 pakkie kremetart
½ pakkie wynsteensuur
5 g droë suurdeeg
1 teelepel suurlemoengeursel
Kook eerste 3 bestanddele saam vir ‘n uur. Laat afkoel en voeg die rosyne en sitrusskil by. Bedek met doek en laat staan tor rosyne bo dryf. Kan tot 24 uur vat. Voeg dan die volgende 3 bestanddele by en roer goed deur. Laat staan tot dit gis. Roer suurlemoengeursel by en suig deur ‘n doek. Bottel, maar moet hulle nie te vol gooi nie. Los so 5 cm van die nek leeg. Sit 1 rosyntjie in elke bottel en skroef toe. Laat weer effens gis en verkoel voor gebruik.
Resep geplaas deur Christelle Els

Delene Breytenbach
Ek maak myne sommer in 2 liter bottel.
1 koppie suiker
duim grote vars gemmer, fyn gerasper
1 teelepel kitssuurdeeg
Plaas alles in ‘n bottel. Vul met lou water en skud goed. Moenie tot heelbo volmaak nie. In die somer maak ek in die oggend dan is dit laat middag reg om te drink. Voeg nog suiker by in begin as jy dit soeter wil hê.