FYN VRUGTEMENGSEL VIR KERSPASTEITJIES

FYN VRUGTEMENGSEL VIR KERSPASTEITJIES
500 g appels, blokkies gesny met skil aan. Gebruik ‘n soet appel soos Golden Delicious, nie Granny Smith nie, dis te suur)
250 g ontpitte rosyntjies
100 g cranberries (deesdae mos maklik verkrygbaar by ons)
½ teelepel fyn kaneel
¼ teelepel fyn neut
¼ teelepel fyn gemmer
1 lemoen se skil afgerasper
500 ml appelsap (Ceres boks sap)
1 teelepel Vanilla essence
Brandewyn / sjerrie (opsioneel)
Plaas een koppie appelsap en vrugte en speserye en essence in pot. Simmer vir omtrent 30 minute met die deksel op. Kook baie stadig, maak seker dit kook nie te vinnig nie. Roer af en toe.
Voeg die ander koppie appelsap by en kook vir nog 30 minute, baie baie stadig. Roer af en toe.
Verwyder van hitte en laat heeltemal afkoel. Voeg ‘n splash brandewyn of sjerrie by en roer deur, indien verkies.
Heerlik in pasteitjies of ingemeng in muffins.
NB: Die mengsel moenie te droog wees as dit klaar gekook het nie. Voeg nog appelsap by as dit vir jou te droog lyk.
Resep geplaas deur Louise Groenewald