ZEERUSTSE VRUGTEKOEK

ZEERUSTSE VRUGTEKOEK
Resep verskaf: Heiner Lange
Resep geneem uit Heiner Lange se oorlede moeder, Margi Lange se handgeskrewe resepteboek
FOOD LOVERS RECIPES
⅔ koppie kunsbotter (ek vermoed dis margarien)
2 koppies meelblom
½ koppie strooisuiker
1 koppie sultanas
1 koppie korente
½ koppie sitroenskil
½ koppie kersies
½ koppie soetwyn
2 eiers
2 teelepels bakpoeier
gerasperde skil van 1 suurlemoen
knippie sout
knippie gemmer
knippie naeltjies
knippie neut

Room botter en suiker saam. Voeg eiers by. Dan meelblom met bakpoeier, sout en speserye saam gesif en wyn om die beurt.
Laaste die vrugte. Bak in ’n met 3 lae papier uitgevoerde pan in matige oond vir 1½ uur.