WILMA SE MAROG
1 middelslag ui, opgesny
1 groot tamatie, velletjie verwyder en in blokkies gesny
2 groot aartappels in blokkies gesny
½ pakkie speksnippers/blokkies
4 groot hande vol marog
sout en peper, na smaak
20 ml botter (nie magarien nie)
Kook die marog in water vir so 5 minute, dreineer en hou eenkant. Braai die ui en spek uit in bietjie olie. Voeg die aartappels, tamatie en marog by. Geur met sout en kook tot die aartappels sag is.
Druk fyn met ‘n groot-tand vurk. Meng botter en swartpeper deur en bedien!
Foto’s en resep geplaas deur Wilma Josey Venter
