NICO SE VERFRISSENDE PYNAPPELBIER

NICO SE VERFRISSENDE PYNAPPELBIER
1 heel ryp pynappel of 3 pynappels se skille
1 koppie suiker (of na smaak)
10 g pakkie gis
1 teelepel fyn gemmer
½ teelepel fyn neutmuskaat
½ teelepel kruisement
125 ml rosyne en/of gemmer stukke (opsioneel)

Sny baie ryp pynappel in stukke met skil en al. Neem ‘n 10 liter emmer of bak en los suiker daarin op met 1 liter kookwater.
Los 1 pakkie gis op in louerige water en voeg by.
Voeg fyn gemmer, neut, en kruisement by, asook rosyne en gemmerstukke (opsioneel).
Voeg pynappel stukke/skille by.
Vul houer met nog 6 liter water.
Bedek en laat staan by kamertemperatuur vir 3 dae. (Sonder gis opsie neem 2 dae langer.) Dreineer deur ‘n vadoek en verbottel. Hou in yskas en gebruik as verfrissende drankie.
Resep geplaas deur : Nico Conradie