ERNA SE YSTERVARKIE KOEK

ERNA SE YSTERVARKIE KOEK
Ek het die koek saamgestel uit 3 resepte:
My ouma se wit koek,
die Kook en Geniet se klapper vulsel en Watertand Wenners se ystervarkie stroop.
2 lae witkoek bv:
HELOWEEN KOEK (ouma Ruttie)
1¾ koppies koekmeel
¼ koppie maizena
1½ koppies suiker
3 of 4 eiers
¼ lb botter (125 g)
¾ koppie melk
2 teelepel bakpoeier
1 teelepel vanilla geursel
Knippie sout
Kook botter en melk saam.
Klits eiers en suiker goed, en voeg droe bestanddele by.
Voeg dan botter en melk mengsel by.
Voeg laaste bakpoeier en dan die geursel by.
Roer goed.
Bak 20 min by 200ºC
*Vir sjokoladekoek:
Voeg 2 eetlepels kakao by droë bestanddele en laat 4 eetlepels van die koekmeel weg.

Stroop:
2 koppies suiker
225 ml water
2 eetlepels margarien
3 eetlepels kakao
½ teelepel vanilla geursel
Klapper om oor koeklae te strooi
Meng en verhit alles behalwe vanilla tot kookpunt. Haal van stoof af en voeg geursel by.
Skep warm oor koeke(bo, onder en kante)
En sprinkel dan klapper oor.
Vulsel:
1 eier
½ koppie strooisuiker
2 eetlepel suurlemoensap
½ koppie droë klapper
Klits eiers baie goed en gooi strooisuiker geleidelik by.
Voeg suurlemoensap by en kook in dubbelkoker oor kookwater tot verdik (ongeveer 10min).
Roer klapper by.
Smeer so warm op 1 koek laag en sit die 2de een bo op.
Baie soet maar baie lekker xx
Foto en resep: Erna Van der Merwe