AMANDA SE AFVAL IN PRUTPOT

AMANDA SE AFVAL
Resep en foto: Amanda Stone
FOOD LOVERS RECIPES
Afval gekoop by checkers so 1.8 kg, pens en bonus 5 pootjies. Was mooi skoon, maar het dit afgewas in asyn water soos mammie altyd gedoen het.
2 kg bees kookvleis
groot ui, opgekap
6 groot aartappels, geskil en opgesny
1 teelepel gemaalde knoffel
speserye
2 teelepels sout ekstra, na smaak
peper, na smaak
2 teelepels borrie
Masala kerrie mengsel (by slaghuis gekoop)
Naeltjies (net ‘n knippie)
Aromat, sommer so na smaak
knippie gemmer
¼ koppie blatjang vir die soet

Ek het ‘n elektriese stoompot, so sit toe afval en beesvleis vir 40 min met uie sout en peper en so 3 koppies water.
Maak oop en kyk of water so 1/3 van kos se hoogte is, sit al die res van die speserye by behalwe blatjang en stoom nog 40 min.
Skep nou beesvleis uit in “slowcooker ” met bietjie van die sous en sit aartappel in stoompot saam afval. Stoom 25 min (sny aartappels groot sodat van die aartappel nie te pap stoom nie)
Maak oop as die stoompot se tyd klaar is, skep die afval en aartappels by beesvleis in slowcooker en sit blatjang by en laat dit lekker deurkook op hoog en laat dit lekker trek vir 2 ure.
Bedien saam gaar rys.
Ek proe maar soos ek gaan, ek is nie ‘n kok nie, maar hou van lekker eet.