TOFFIE APPEL KONFYT

TOFFIE APPEL KONFYT
TOFFIE SOUS
100 g botter
100 g suiker
4 eetlepels dik room

APPEL
600 g Granny Smith appels – geskil, klokhuisies uit
100 ml water
2 eetlepels suurlemoensap
250 g suiker
Vanilla
Sny die appel in stukke (ek verkies dit in redelike groter stukke wat nie so maklik sal wegkook nie). Gooi klokhuisies en skille in net genoeg water om dit te bedek. Kook tot sag, gooi deur sif, gebruik net die vloeistof om die appel stukke in te kook tot sag maar nie pap. Voeg suiker by en los op. Voeg vanilla na smaak by (ek het nie) en suurlemoensap na smaak. Ek verkies dit met ‘n skerp genoeg surigheid om soos ‘n vars Granny Smith te proe. Kook tot meeste van die vloeistof weggekook het en die mengsel effens geset is.
Maak karamel/toffie sous = smelt die suiker oor medium hitte tot goudbruin. Moenie roer nie!!!!!! Voeg room en botter by, roer tot gladde sous. Verwyder van hitte en laat effens afkoel (dit vergemaklik die proses om dit te bottel.
Pak lae appel in gesteriliseerde warm bottels, met ‘n dun lagie karamel/toffie sous oor, herhaal lae tot aan onderkant van bottel se nek. Seël tot “vinger tight” en kook bottels in waterbad vir 10 minute sodat vakuum kan vorm. Verwyder en draai deksels stywer vas.
Ek het die oorskiet saam met room op wafels as poeding bedien.
Dit is ‘n redelike morsige en tydsame proses, maar is iets nuuts en anders.