HOENDER , SPINASIE EN FETA

HOENDER, SPINASIE EN FETA
1 kg spinasie, opgekerf
4 hoender fillette
1 pakkie Knorr creamy cheese vegetable bake
1 wieletjie swart peper Feta, gekrummel
150 ml room
250 ml melk
250 g sampioene, opgekerf
olyf olie
sout en peper na smaak
Robertsons hoender speserye

Sny hoender fillette oop, maar moenie reg deur sny nie. Sprinkel aan beide kante met olyf olie, hoender speserye, sout en peper. Sit dit in ‘n bord en bere in yskas terwyl spinasie voorberei word.
Gooi spinasie in pot. Bedek met water, sprinkel bietjie sout oor en kook vir ongeveer 10 minute. Dreineer deur ‘n sif. Braai sampioene tot goudbruin en gaar. Voeg spinasie by. Sprinkel die veggie bake bo-oor en meng goed deur. Voeg room en melk by, gevolg deur Feta. Roer deur en prut op lae hitte vir ongeveer 10 minute.
Pan braai hoender fillette aan beide kante tot gaar.
Plaas gaar hoender in bord, en skep spinasie mengsel bo op. Bedien saam met groenslaai.
Resep bron en foto: Charleen Nieuwenhuizen