CORRIE SE STAATMAKER DEGIE VIR PASTEITJIES

CORRIE SE STAATMAKER DEGIE VIR PASTEITJIES
Kosmaters vertel: “ek het al letterlik honderde vleistertjies op bestelling hiermee gebak- Maklik, vinnig, goedkoop en lekker”:
2 koppie koekmeel
230 g margarine (Stork)
½ koppie kookwater
Sout
Sit die margarine in die kookwater – na rukkie sal dit heeltemal smelt. Voeg by meel en meng. O ja, so bietjie sout ook.
So lekker slapdegie. Moenie skrik nie. Plaas in yskas (so uur of wat tot styf en hanteerbaar.) Rol uit en gebruik!

Vulsel:
2 kg maalvleis
2 kg aartappels
2 eetlepels Steak en Tjops geurmiddel
2 teelepels sout
½ kg gemengde groente
Kook saam tot droog en maak goed fyn.
Wenke:
My Ma het jare gelede vir n tuisnywerheid gebak en het die resep gebruik. Ek gebruik dit ook vir als. Wat ek doen, ek sit die deeg so vir 5 min in die vrieskas, (in mengbak) meng dan weer deur en weer 5 min in vrieskas en meng weer. Dan is die deeg mooi glad. Sit dan in yskas vir paar ure. Ek gooi glad nie sout by nie en die wonderwerk is dan gee die deeg nie sooibrand nie. Ek gooi dan net so bietjie meer sout in my vleis. Vir my werk Spar margarien die beste.
As jy die volgende gebruik
500 g margarien
1 koppie kookwater
4 koppies koekmeel
1 kg maalvleis
Genoeg vir 1 kg maalvleis en mens kry jy omtrent 4 dosyn vleisrolletjies uit. Die geheim van die deeg is om dit yskoud te hou terwyl jy daarmee werk.
Bron: Daleen Brits
Foto:  Elizabeth Haupt
Wilma van Niekerk  – Die ‘wenke’ kom van my af.🤪🤪gebruik al jare hierdie deeg. Het vanoggend weer 17 dos gemaak vir bestellings. Beste en lekkerste deeg ooit!

KOMMENTAAR VAN THEUNS BESTER:
Dis ‘n resepte wat Dalene Brits op die groep geplaas he so “n rukkie terug. Ek het geen idee wie Corrie is nie. Al wat ek weet is dat hierdie deeg resep die beste deeg resep is wat ek nog ooit gebruik het.