GEBAKTE WASGOEDBONDELTJIES

Dis ‘n broskors deeg.
Sif saam:
4 koppies meel
4 teelepels bakpoeier
½ teelepel sout

Rasper ‘n harde 250 g blok botter in dit in en vryf met vingers tot dit soos krummels lyk.
Giet yswater by (begin met so ½ koppie met 1 eetlepel suurlemoensap daarby) totdat jy ‘n stewige degie het.
As dit te styf is om mee te werk sit nog bietjie water by.
Sit in plastiek sakkie in die yskas tot jy reg is om dit te gebruik.
Jy kan die deeg so vries ook vir latere gebruik.
Ontdooi in yskas.
Rol redelik dun uit, sny in kwarte, sit ‘n lepel gaar koue maalvleis in die middel, maak die bondeltjies en bak in voorverhitte oond by 180°C vir so 20 – 25 min of tot ligbruin.

Bron: Elsabie Templeton
Foto: Elsabie Templeton