HOENDER AFVAL RAGOUT

2 Pakkies hoender magies
2 Pakkies hoender hartjies
2 Pakkies hoender nekkies
2 Pakkies hoender ruggies
250g Wortels in dun skywe gesny
6 Aartappels in blokkies gesny
2 Uie gekerf
1 Groen soetrissie gekerf
500ml Hoender aftreksel
15ml Gemmer gekerf
15ml Knoffel gekerf
30ml ( 2 opgehoopte eetlepels ) nat kerrie “ 11 spices “
15ml Mosterd sade
2 Lourierblare
3 Naeltjies
10 Wonderpeper “ pimento “ korrels
Growwe sout en peper
Gerasperde suurlemoen skil.

Braai die uie en groen rissie in olyf olie tot glanserig. Voeg saam met die hoender magies en hartjies die mosterd sade, naeltjies, pimento, knoffel, gemmer en lourierblare by en roerbraai goed deur saam met die uie. Voeg die aftreksel by en laat prut vir 1 uur terwyl af en toe geroer word. Voeg die nekkies en wortels saam met die kerrie by en prut vir verdere uur. Sout en peper tussen deur en proe of smaak reg is. Voeg laaste die hoender rugstringe en aartappels by laat prut vir laaste uur. Voeg wyn of bier by indien voeg inhoud te min word. Sprinkel suurlemoen skil oor teen einde.

Foto en resep: Johan Rossouw