HEERLIKE EIERVRUG BLATJANG

Dis baie lekker:
3 groot eiervrugte, skil en sny in ringe, gooi sout oor en laat lê vir ‘n halfuur, spoel af en sny in blokkies
1 greenpepper, sny in blokkies
6 medium uie, sny in blokkies
6 tamaties, haal skil af en sny in blokkies
Braai eiervrug, greenpepper, uie en tamaties in 1 koppie olie tot sag.

Gooi dan by eiervrug mengsel:
4 koppies suiker
3 koppies wit asyn
30 ml kerriepoeier(mild)
15 ml borrie
5 ml sout
5 ml peper
5 ml fyngemmer
Prut vir 20 minute. Dan meng jy 25 ml hoogvol Maizena met ‘n bietjie water. Voeg by mengsel en prut 5 minute. As dit te pap is kan jy nog Maizena insit. Bottel warm.
RESEP EN FOTO: Johan En Adrì Scheepers