MA ANNATJIE SE WASGOED BONDELTJIES

MA ANNATJIE SE WASGOED BONDELTJIES
Vleis:
500 g bees maalvleis
250 g vark maalvleis of sommer rou vark worsies
1 ui
3 knoffelhuisies
2 wortels, klein gesny of gerasper
2 middelslag aartappels in blokkies
10 ml sout
5 ml peper
10ml fyn koljander
Water/aftreksel

Braai uie en knoffel, roerbraai vleis in tot los van mekaar. Voeg water of aftreksel by om te bedek en prut stadig vir 30 minute of langer, jy wil vleis baie sag hê.
Voeg aartappel blokkies en fyn wortels by en vul vloeistof aan, net genoeg om aartappels sag te kry. Kook vloeistof heeltemal weg en droog. Laat afkoel en druk liggies met vurk of aartappel masher om vleismengsel te bind met aartappel. Laat afkoel, hoe kouer hoe beter voor jy gebruik.

Deeg:
250 g Stork (of botter)
500 ml koekmeel
30 ml Maizena
125 ml koue water
1 eiergeel
10 ml asyn
2.5 ml sout

Rasper botter en vryf in meel, sout en bakpoeier mengsel. Klits eiergeel, water en asyn. Maak aan. Verkoel deeg en werk uit yskas. Rol uit, sny in vierkante en vul met vleismengsel. Vou hoeke oormekaar en steek vas met kruie naeltjie. Bak in warm olie met naeltjie na onder.

Bron: Kiti De Jager