SEAN SE PRIME RIB BEEF ROAST

prime-ribtested
SEAN SE PRIME RIB BEEF ROAST
Hierdie was so amper ‘n kilogram, meer as genoeg vir 3 mense. Pas aan volgens gewig. Dit was my eerste probeerslag en dit het fantasties lekker sag en sappig uitgekom.

Voorbereiding:
Laat die vleis ten minste ‘n uur by kamertemparatuur staan.
Meng een teelepel van elk van die volgende: Gemaalde growwe sout, grofgemaalde swartpeper, koekmeel en BBQ speserye, bruinuie soppoeier en vars knoffel of knoffelpoeier.
Snipper ook (verkieslik vars) roosmaryn by.
Vryf die vleis goed in met die mengsel.

Metode:
Plaas die vleis in ‘n gesmeerde bak met die been na onder en die vetkant dus bo.
Bak teen 200 grade vir ongeveer 15 minute.
Sit oond af en moenie die deur oopmaak nie.
Laat staan so vir ongeveer 20 minute na ‘n halfuur.
Sny dan op en bedien saam met ‘n sousie van jou keuse.
Bykosse was kapokaartappels en geroosterde gemengde groente.

BRON:┬áSean O’Brien