HOENDER PARMASAN GESTOPTE KNOFFELBROOD

HOENDER PARMASAN GESTOPTE KNOFFELBROOD
Jy benodig:
125 ml koekmeel
125 ml karringmelk
10 ml peppadew spice (of wat jy van hou)
10 ml italiaanse kruie
Melk
Broodkrummels
2 hoender filette
Olie vir vlak braai
1 groot baquette
Mozarella kaas in skywe gesny
125 g Botter
2 eetlepels knoffel flokkies
125 ml parmasan kaas
2 eetlepels pietersielie
Voorverhit jou oond na 180!°C.
Maak solank jou olie warm in ‘n vlak pan op ‘n plaat.
Maak die ‘gom’ aan deur die karringmelk, koekmeel, peppadew spice en kruie te meng. Verdun die mengsel ietwat met ‘n bietjie melk tot ‘n dik mengsel wat aan die hoender sal klou.
Gooi jou krummels in ‘n aparte bak.
Sny die hoender filette oor die breedte in skywe. Doop die hoenderskywe in die gom en dan in die krummels.
Braai die gekrummelde hoenderskywe tot goudbruin in die olie.
Sny die punte van die baquette af en verdeel die baqette in 4 dele. Hol die stukke baqette uit.
Rol die gebraaide hoenderskywe toe in mozarella en druk dit in die baquette in.
Sny elke gevulde baqette in 2 of 3 oor die breedte.
Sit ‘n groot stuk foelie onder in ‘n bakplaat en pak weer die baqette saam op die foelie.
Smelt die botter. Meng die parmasan, knoffel en pietersielie by. Skep lepels vol oor die baquette.
Vou die foelie toe en bak soos ‘n gewone knoffelbrood in die oond vir 20 – 25 minute.
Indien my instruksies deurmekaar klink kan jy maar na die bron video kyk: