DADELBROOD MET KARAMEL STROOP

DADELBROOD MET KARAMEL STROOP
Deeg:
5 ml koeksoda
150 g gekapte dadels (250 ml)
250 ml kookwater
200 g (250 ml) strooisuiker
60 g botter of margarien by kamertemperatuur, (75 ml)
1 eier
200 g koekmeel (375 ml) ongesif
5 ml bakpoeier
knypie sout
30 g gekapte neute (75 ml)
5 ml vanilla geursel

Karamelstroop:
100 g sagte bruin suiker (125 ml)
125 ml vars room
40 g botter of margarien (50 ml)

Stel oond op 180°C (350). Smeer ‘n middelslag-broodpannetjie (23 x 13 x 5cm) of bespuit goed met nie-kleefmiddel. Strooi koeksoda oor dadels. Voeg kookwater by en meng. Laat afkoel. Klop strooisuiker en botter tot goed gemeng. Voeg eier by en klop tot gemeng. Sif meel, bakpoeier en sout saam bo-op mengsel. Voeg neute en vanilla geursel by en meng. Voeg dadelmengsel by en meng. Skep in pannetjie. Bak sowat ‘n uur tot gaar. Verhit bruin suiker, room en botter saam oor lae hitte tot kookpunt en kook 5 minute sonder ‘n deksel. Keer dadelbrood op ‘n opdienbord uit en skep die warm karamelstroop stadig oor.

Resep geplaas deur CarelHettie van Zyl
Foto:  Yolanda Horn en Oom Jan Hugh