MIKROGOLF ROERBROOD

MIKROGOLF ROERBROOD
1 middelslagbrood
750 ml volkoringmeel
250 ml bruismeel
25 ml sagte bruinsuiker
7 ml sout
5 ml kremetart
350 ml melk
50 ml sonneblomolie
12,5 ml asyn
5 ml koeksoda
1 eier
bietjie semels
Meng die volkoringmeel, bruismeel, sagte bruinsuiker, sout en kremetart goed saam.
Klits melk, sonneblomolie, asyn, koeksoda en eier saam.
Voeg dit by die meelmengsel en meng goed.
Fatsoeneer die deeg in ‘n bal.
Bestrooi die boom van ‘n tertbord met semels.
Plaas die bal deeg daarop en druk dit effens plat.
Sny dit met ‘n skerp mes in 8 wiggies.
Plaas die bord op ‘n omgekeerde piering in die mikrogolfoond.
Mikrogolf die brood 12 minute by 70% [MED. HOOG] krag en [draai elke 3 minute ‘n kwart na regs as die mikrogolf nie ‘n draaitafel het nie.]
Mikrogolf dit daarna 1 minuut by 100% krag. [HOOG]
Breek die wiggies los en sit dit voor.