TOEBROODJIE IDEES

TOEBROODJIE IDEES
Almal gaan terug werke en skole toe.
Tyd om die hasie uit die hoed te ruk!!
Probeer gerus van die heerlike toebie idees hieronder:

Sardientjiesmeer
100 g botter/margarien
106 g sardientjies, gedreineer en fyngedruk 10 ml suurlemoensap
25 ml fyngerasperde ui
5 ml worcestersous
1 ml sout
1 ml peper
Meng alles deeglik saam.
Tunaroomsmeer
200 g tuna, dreineer + vlok
5 ml ansjovissous
200 ml mayonnaise
250 ml room, geklits
2 eierwitte, styfgeklits
20 soutbeskuitjies

Meng tuna met ansjovissous en mayonnaise tot glad en fyn. Vou die room by die styfgeklitste eierwitte in. Vou die roommengsel by die tunamengsel in. Skep dit op beskuitjies en verkoel dit voor bediening.

HOENDERVULSEL
Meng gemaalde, gaar hoendervleis met gerasperde pynappel en voeg slaaisous, sout en peper by soos nodig.

TAMATIESOUSVULSEL
Meng gerasperde kaas met tamatiesous. Geur met uiesap soos nodig.

ROOMKAASVULSEL
Meng roomkaas met een van die volgende: gekapte, gevulde olywe, gekapte neute, gekapte pietersielie, gerasperde pynappel, gekapte rosyne, fyngekapte ham of hoendervleis, gekapte gemmerkonfyt

GRONDBOONTJIEBOTTERVULSEL
Maak grondboontjiebotter klam met slaaisous en meng dit met gekapte dadels, rosyne of droë vye.
‘n Interessante soort brood maak gewone toebroodjies ekstra lekker. Probeer Ciabata of foccacia, rogbrood of volgraanrolletjies.
Vars roket, songedroogde tamaties, kaas en ontpitte olywe. Brosgebraaide spekvleis, uiemarmelade, brie en blaarslaai. Ham, pikantrissies en mosterdmayonnaise.

Koue geroosterde hoender, knoffelmayonnaise en bronkors. Tamatie, basielkruidblare en mozzarellaskywe.
Gerookte snoek of salm, skywe avokado, roomkaas of mayonnaise en slaaiblare.
Dun skyfies gebraaide filet, heelkorrelmosterd, roketblare, tamatie en gebraaide uie.
Dun skyfies skaapboud, hummus (kekerertjie-patee), tamatie en uie.
Kaas, olywe, basielblare en salami.
Dik skywe ham, perske- of mangoblatjang, edamkaas en blaarslaai.
Varkworsies, gebraaide uie, mosterdslaai en sterk tamatiesalsa