GEKRUMMELDE VARKTJOPS MET LINT-NOEDELS EN SOUS

GEKRUMMELDE VARKTJOPS MET LINT-NOEDELS EN SOUS
Genoeg vir 4 persone
4 vark tjoppies van jou keuse
1 eier, geklits
gegeurde broodkrummels (ek het sout, knoffelsout en vleis speserye bygevoeg)
250 g lint-noedels ( wit, rooi en groen gemeng vir kleur)
1 blikkie braai-relish met groen peper
1 blikkie gesnyde sampioene, gedreineer
1 klein blikkie pynappel stukkies, gedreineer
knippie sout
20 ml suiker
125 ml vars room

Doop varktjops in geklitste eier, en dan in gegeurde broodkrummels. Verkoel vir paar minute.
Braai in vlak olie tot goudbruin en gaar. Hou eenkant warm.
Maak pasta gaar volgens aanwysings en dreineer.
Intussen, plaas relish, sampioene en pynappel stukkies in pot en verhit, voeg suiker by. Laat paar minute prut.
Voeg dan room by en laat net weer deur warm word.
Meng deur pasta en dien op saam met die varktjops.

RESEP EN FOTO:  Janieta Nell‎