PETRE SE KEISERS KOEK

PETRE SE KEISERS KOEK
450 g koekmeel
450 g strooisuiker
450 g botter/margarien
450 g rosyne of 225 g korente (ek het sultanas gebruik)
225 g amandels fyn gekap
112 g siterkonfyt (ek het marmelade gebruik)
8 eiers geskei
60 ml wyn (ek het OBS gebruik …)
1/2 teelepel fyn foelie ( ek het ’n 1/2 teelepel (opgehoop) fyn neut gebruik)
1/2 teelepel koeksoda in 30 ml melk opgelos 

Klop eierwitte styf
Room botter en suiker saam
Voeg geklitse eiergele by en meng goed. Meng konfyt, wyn en koeksoda mengsel by en meng goed
Sif meel en foelie saam . Voeg korente en fyngkapte amandels by – meng goed .
Voeg droe bestanddele by bottermengsel en meng goed deur
Vou styfgeklopte eierwitte in
Skep in 2 x 23 cm koekpanne en bak @ 140°C vir 1 1/2 uur

Oorspronklike resep :-
(Uit:- Di Suid Afrikaanse Kook-, Koek- en Resepte Boek … Eerst Uitgawe 1891 … Mejufvr. E.J. Dijkman)
Neem 1 lb meel, 1 lb fyn witsuiker, 1 lb botter, 1 lb resyntjies di pitte uitgehaald en di resyntjies fyngekap, of ander n 1/2 lb skoon korente, 1/2 lb gestampte amandels, 1/4 lb siterkomfyt, 8 eijers, 2 kelkies wyn, 1/2 lepeltjie fyn foelie. Set di 1/2 teelepeltji soda in 1 kelkie melk, klop di geel van di eijers fyn en die botter tot room, roer deurmakaar met die suiker, sny die komfyt mooi dun, klop die wit van die eijers droog, roer dan algar goed deur met die soda en melk, smeer die vorm en bak langsaam. 1 1/2 uur tot 2 uur.

Eerste laag
Karamelroomkaasversiersel
Tweede laag
Room en halwe groenvye
Koek met styfgeklopte room buite om versier en karamelroomkaasversiersel bo-op gegooi om af te loop

Karamelroomkaasversiersel:-
250 ml room
250 ml roomkaas
1 pakkie Karamel kitspoeding
1 eetlepel suiker
1 teelepel suurlemoensap
1 teelepel karamelgeursel

Klop room, suiker, suurlemoensap, karamelgeursel en pakkie karamel kitspoeding tot styf
Roer roomkaas tot glad en vou roommengsel in roomkaas
Verkoel tot styf en versier koek .

Resep en foto geplaas deur Petré Van Jaarsveld (Lid)