MADELEIN SE BOBOTIE

MADELEIN SE BOBOTIE
2 dik snye bruinbrood
500 ml melk
2 groot uie, gekap
15 ml appelkooskonfyt (3 teelepels)
5 ml gemmer (1 teelepel)
2 eiers
paprika (opsioneel)
1 kg maalvleis
olie vir braai
15 ml kerriepoeier (3 teelepels)
75 g pitlose rosyne
1 pakkie beesstert soppoeier
2 ml droë mosterd
sout na smaak
5 ml aromat (1 teelepel)

Week brood in helfte van die melk.
Braai uie in bietjie olie tot sag en goudbruin.
Voeg by kerriepoeier, gemmer, appelkooskonfyt en rosyne en roer.
Voeg vleis by en roer, braai deeglik.
Voeg soppoeier en brood by.
Klits eiers en oorblywende melk, mosterd en sout.
Voeg die helfte van die mengsel by vleis.
Skep in oonskottel.
Gooi res van melkmengsel bo-oor.
Bak ongeveer 25 min teen 180ºC.
Strooi paprika oor en bedien.

Foto en resep:  Madelein Welman