BOBAAS LAMSNIERTJIES

BOBAAS LAMSNIERTJIES
Bron Carolie de Koster
Foto: Elize de Kock
FOOD LOVERS RECIPES
500 g lamsniertjies, skoongemaak
125 g spek, opgesny
1 ui, grof gekap
15 ml sonneblom olie
125 ml water
15-30 ml Worcestersous
5 ml biefekstrakpoeier
sout en varsgemaalde swartpeper
15 ml paprika
250 g sampioene, in skyfies, opsioneel
30 ml koekmeelblom
15 ml bruinsouspoeier
125 ml water
40ml botter
15 ml olie
30 ml brandewyn
250 ml room
plaasbrood

Sny die skoongemaakte niertjies in kleiner stukkies.
Verhit die botter en olie en braai die uie en spek vir ’n paar minute.
Skep niertjies by en braai oor matige hitte tot vloeistof verdamp het en mooi bruin is.
Voeg 125 ml water, Worcestersous en biefekstrakpoeier, swartpeper en sampioene by en bring tot kookpunt.
Bedek en prut 8 – 10 min lank of tot nierjies sag is.
Meng die meelblom souspoeier en 125 ml water en roer in.
Bring tot kookpunt en roer deurentyd tot glad en dik.
Roer die brandewyn en room by en bring tot kookpunt.
Geur met sout en hou warm.
Rooster intussen die brood.
Bedien in klein sop of poeding bakkies en eet met Roosterbrood.
Genoeg vir vier mense.