TUNA PASTAGEREG

TUNA PASTAGEREG
250 g macaroni (gaargekook volgens instruksie op die pakkie)
1 blikkie tuna
1 uie, grof gekap
1 groenpeper, grof gekap
2 tamaties, grof gekap
1 tot 1 ½ kop gerasperde kaas (ek het Gouda gebruik)
sout en peper na smaak
bietjie rooipeper, opsioneel
6 eiers, geklits met bietjie melk en so 2 eetlepels mosterd (ek het sommer All Gold s’n gebruik)
bietjie olie vir braai

Voorverhit oond op 180°C, (ek het waaieroond en het gebak op so 170)
Braai uie en groenpeper in bietjie olie, voeg tamaties by en dan die tuna.
Geur met sout, peper en rooipeper. Haal af van stoof af.
Plaas die macaroni in ‘n glasbak, dan die tuna-mengsel, strooi die kaas oor en heel laaste die eiermengsel.
Bak vir so 25 – 30 min.

Resep en foto: Sonja Young