FRIKKADELPASTEI

FRIKKADELPASTEI

Frikkadelle
1 kg maalvleis
250 ml geweekte brood (in melk)
Sout en peper na smaak
2 eiers

Tertkors
500 ml koekmeelblom
10 ml bakpoeier
’n Knippie sout
250 ml botter of margarien
1 eier
5 ml water

Berei die frikkadelle: Meng die maalvleis, brood, sout en peper en een geklitste eier goed saam. Klits die ander eier in ’n afsonderlike bakkie. Vorm frikkadelle en smeer hulle met die ander geklitste eier (dan breek die frikkadelle nie).

Berei die tertkors: Voorverhit die oond tot 200°C. Sif die droë bestanddele saam. Vryf die botter of margarien met die vingers in (dit moet soos mieliemeel lyk). Klits die eier en water goed saam en voeg by. Meng met ’n slaplemmes om ’n stywe deeg te vorm.

Rol die deeg dun uit, voer ’n gesmeerde oondbak daarmee uit en sit die frikkadelle in. Sit nog ’n lagie deeg oor en sny met ’n skerp mes ’n paar snytjies in. Bak 30 minute lank. Lewer 6-8 porsies.

Hier is nog ’n lekker resep uit “Tannie Poppie Kook”

Foto: Martie Fourie Moolman
Martie se nota:
Dit was bietjie droog, ek het extra maer maalvleis gebruik en het my eie frikkie resep gemaak. Ek dink die extra maer vleis het dit droog laat uitkom. Sal dit met bietjie water of aftreksel bietjie aanklam die volgende keer of miskies maalvleis met ‘n vet inhoud.