SKELVISSOUTTERT

SKELVISSOUTTERT
Kors:
1 koppie koekmeel
1 eetlepel strooisuiker
½ koppie margarien
sout
Vryf smeer in droë bestandele. Vorm tot sagte deeg.
Druk vas in vuurvaste tertbord.

Vulsel:
Kook saam:
2 koppies melk
1 eetlepel botter
Klits saam:
2 eiergele (hou witte eenkant)
2 eetlepels hoogvol koekmeel
2 eetlepels hoogvol maizena
½ koppie melk
Roer warm melk versigtig by. Giet terug in kastrol en kook tot verdik en gaar.

Voeg by:
½ koppie sag gebraaide, gekapte ui
2 koppies gaar gevlokte skelvis (haddock)
1 ½ koppie gerasperde kaas
1 eetlepel vars gekapte pietersielie
knippie rooipeper
swart peper
sout en aromat na smaak

Vou styfgeklopte eierwit by.
Skep in rou tertkors en bak teen 180° C vir ongeveer ‘n halfuur of tot gestol.
Baie lekker as ligte ete met ‘n slaai.

Resep en foto ingestuur deur Elza Kemp‎