SAVANNAH HOENDER MET EKSOTIESE SAMPIOENE

SAVANNAH HOENDER MET EKSOTIESE SAMPIOENE
3 eetlepels druiwepitolie
6 hoenderborsies, gehalveer in die lengte
seesout
grofgemaalde gemengde peperkorrels
1 eetlepel botter
400 g gemengde eksotiese sampioene
¼ koppie Madeira of soetwyn
½ koppie organiese hoenderaftreksel
1 koppie preie, grofgekap
½ koppie vars room
6 repies spek, gekap en gebraai

Verhit olie in pan en braai hoender tot bruin aan albei kante.
Verwyder uit pan, geur met sout en peper en hou eenkant.
Plaas sampioene en botter in dieselfde pan en braai vir 5 minute.
Voeg Madeira en hoenderaftreksel by en laat prut vir ongeveer 7 minute.
Voeg preie en room by, laat prut vir ‘n verdere 3 minute.
Voeg hoender by om te verhit.
Skep op opdienbord en sprinkel met spek.

Resep gepos deur Coen Cloete
Foto:  Andri du Toit