OUTYDSE GEMMERBIER

OUTYDSE GEMMERBIER

50 g of 1 stuk vars duimgrootte gemmer
3 liter (12 koppies) water
750 ml (3 koppies suiker)
2,5 ml (½ teelepel) droë kitsgis
5 ml (1 teelepel) wynsteensuur
5 ml (1 teelepel) kremetart
90 ml (6 eetlepels) rosyntjies

Spoel stukkies gemmer onder lopende water af en sny in kleiner stukke en plaas saam met suiker en water in kastrol.
Kook oor matige hitte vir een uur, roer gereeld totdat suiker opgelos is.
Verwyder van hitte en laat vir een uur afkoel.
Roer kitsgis, wynsteensuur, kremetart en rosyntjies bymekaar, meng van die gekookte stroop by en roer tot goed gemeng.
Giet hierdie rosyntjiemengsel terug by die stroop in kastrol en roer deur.
Sit deksel op en laat staan vir 24 uur, die rosyntjies behoort dan bo te dryf.
Skep rosyntjies en gemmerstukke uit.
Gooi gemmerbier in bottels maar nie tot bo, laat ongeveer 6 cm ruimte aan bokant van bottel toe, sit 2 rosyntjies in elke bottel.
Draai doppies op en hou in yskas tot benodig.

FLR PHOTO: Stephanie Swart