GEBOTTELDE SLAAIE

Dis slaaie tyd, so hoekom dan nie vooraf slaaie inlê nie. Ek het eers die basiese probeer. Ingelegde noedelslaai, aartappelslaai en beetslaai
NOEDELSLAAI
500 g noedels
½ kg uie, gekap
2 soetrissies (rooi, geel, groen)
1 kg tamaties
100 ml mayonaisse
375 olie
250 ml wit asyn
500 ml suiker
20 ml sout

Kook tamaties, uie, suiker, soetrissies, olie saam tot sag.
Kook noedels sag, maar ferm met bietjie sout en olie.
Voeg mengsel by noedels, kook goed deur.
Voeg mayonaisse by. Bottel warm.
Vriendin Rita se resep

AARTAPPELSLAAI
4 kg aartappels
2 (750 ml) mayonaisse
1 blik kondensmelk
3 groot uie, gekap

Skil en sny aartappels in blokkies, kook in water met soutwater, nie te sag NET gaar.
Gooi mayonnaise, kondensmelk en uie in ‘n ander kastrol en verhit, moenie kook nie.
Gooi aartappels by warm mengsel, roer deur en bottel warm.
Die bottels kan tot 2 maande op ‘n koel plek staan.
Resep van Food Lovers Recipes

BEETSLAAI
1,5 kg beet, gaar gerasper, blokkies of in ringe gesny
2 eetlepels Maizena
500 ml asyn
2 koppies water
1 ½ koppie suiker
sout en peper

Meng alles en bring tot kookpunt, bottel warm.
As opdien, sny uie en frummel feta kaas bo oor.

Foto: Mariette Fortuin