ALTA SE MIKROGOLF SJOKOLADE KOEK MET VARIASIES

1 koppie koekmeel
1 koppie strooisuiker
3 eetlepels kakao
1 koppie lou water
1 teelepel vanilla
4 teelepels bakpoeier
¼ teelepel sout
2 eiers
¼ koppie olie

Sif meel, sout, kakao, suiker en bakpoeier saam Meng geklitste eiers met lou water en olie en voeg vanilla by.
Voeg droê bestandele by eiermengsel en meng baie goed.
Skep in gesmeerde bak, en bak vir 7 min op hoog in mikrogolf.
Los in die oond vir 1 minute voor jy uithaal, laat bietjie afkoel tot los, en dop uit bak uit.

Versiering:
1 blik ideal melk
¼ koppie suiker
200 g heelneut sjokolade.
Of soos verkies, sien foto met karamel

Smelt ¾ blik ideal melk en suiker oor lae hitte en skep oor warm koek.
Laat die koek heeltemal afkoel.
Smelt die res van die ideal melk en sjokolade op lae hitte en skep oor koek tot bo-op bedek en teen die kante afloop.
Genoeg vir meduim koek

Vir suurlemoen koek, vervang kakao met koekmeel, vanilje geursel met suurlemoen geursel. Ek maak gewone botterversiering en voeg suurlemoen geursel, klein bietjie suurlemoensap en fyn gerasperde suurlemoenskil na smaak by.

Vir koffiekoek gebruik ek net 1 eetlepel kakao net vir kleur. Gebruik koffie geursel of koffie ekstrak. Gewone botterversiersel maar gebruik sterk koffie in die plek van melk of koffie ekstrak weereens na smaak. Die hoeveelhede is maar moeilik ek lek en proe maar lol.

Foto en resep aanpassing deur Alta West