HOENDER A LA KONING

HOENDER A LA KONING
500g gaar hoender (ontbeen, vel verwyder)
65 ml botter
1 groen soetrissie( ontpit, in repies )
200 g knopiesampioene
60 ml koekmeelblom
300 ml warm hoenderaftreksel
125 ml melk sout
vars gemaalde swartpeper
15 ml grasuie (gekap)
2 eiergele
125 ml room

Sny hoender in stukke en hou eenkant. Verhit botter en soteer soetrissie tot sag, maar nie verkleurd nie. Verwyder uit die pan. Plaas sampioene in pan en soteer oor medium hitte tot sag en glansend. Voeg soetrissie en koekmeelblom by en roer oor lae hitte tot koekmeelblom ingemeng is. Voeg warm hoenderaftreksel en melk by en roer tot glad en verdik. Geur na smaak met sout en vars gemaalde swartpeper en voeg grasuie by. Voeg hoender by en verhit deur. Klits eiergele en room saam en voeg bietjie van warm hoenderaftreksel by eiermengsel. Plaas alles terug in kastrol en roer ‘n paar minute tot warm. Mengsel mag nie kook nie. Sit voor met rys .