SONDE IN ‘N BEKER-NAGEREG

SONDE IN ‘N BEKER-NAGEREG

1-2 porsies
60 ml bruismeel
60 ml suiker
30 ml kakao
knippie sout
1 eier
45 ml melk
45 ml olie
Smeer of spuit ‘n groot koffie beker (400 ml of twee kleiner bekers) goed.
Gooi meel, suiker, kakao en sout daarin.
Meng goed met vurk.
Voeg eier by en meng goed.
Voeg melk en olie by en meng goed.
Sit beker in mikrogolf op 100% krag vir 3 min (of as in die kleiner bekers, een beker op ‘n slag vir so 1min 15sek).
Die koek rys redelik hoog – dis reg so.
Laat staan vir ‘n paar min voordat jy dit uitkeer op ‘n bord.
Bedien met room of roomys.

Floraine Wasserman Venter

Sarahsous vir koppiepoeding:
200 ml versiersuiker
150 ml kakao
20 ml regte botter
30 ml gekookte kondensmelk
250 ml kookwater
Meng alles goed deur tot botter gesmelt is, druk met mes gleufies in poeding, gooi oor na smaak. Strooi gekapte amandels oor. Eie resep, liplekker!