JEANETTE SE BILTONGSOP

JEANETTE SE BILTONGSOP
150 g botter of margarien
250 ml koekmeel (1 kop)
3 koppies melk
2 liter beesvleisaftreksel (of 2 stock blokkies opgelos in 2 l kookwater)
¼ t fyn neutmuskaat
¼ t fyn koljander
sout en peper na smaak (pasop vir te veel sout – die biltong is reeds sout)
250 ml room
100 – 150 g biltongpoeier
1 koppie gerasperde kaas

Smelt botter in ‘n kastrol, voeg dan meel by en kook dit vir 2 minute terwyl jy aanhoudend roer. Wanneer dit begin verkleur, voeg melk by en bring tot kookpunt.
Roer AANHOUDEND, sodat dit nie klonte maak nie. Voeg aftreksel, neutmuskaat, koljander en sout en peper by.
Prut vir ongeveer 10 minute en roer aanhoudend, totdat dit verdik en glad is. Voeg room en biltongpoeier by en verhit vir ‘n paar minute.
Verwyder van hitte, voeg kaas by en roer goed deur.

Ek het geprosesseerde kaas gebruik en dit werk net so goed.

RESEP EN FOTO:  Jeanette Martins
2de foto: Chantelle Saayman
Nota:  Omdat biltong poeier souterig is proe eers voordat jy nog sout by voeg.