100 % SUURDEEG-SOURDOUGH

100 % SUURDEEG-SOURDOUGH

Broodmeel

Water

Metode:

Dis wat ek gedoen het, in kort…. Ek het dieselfde hoeveelhede broodmeel en water (1x halwe koppie) geneem en dit goed gemeng. Na 12 ure het ek weer dieselfde proses herhaal, eers die mengsel afgeroer (stir down) en dan die water ingemeng en daarna die meel, hierdie proses het ek herhaal op dag2, op dag3 het ek die water bygevoeg en toe die helfte van die mengsel afgegooi.

Jy kan dit of weggooi of gebruik vir ‘n 2de plantjie… en daarna die meel bygevoeg. Van dag4 af het ek begin merk dat daar “lewe” was!! Ek skat dat afhangende van jou houer se grootte kan jy bepaal hoeveel jy wil afgooi, maar daar is ‘n tegniese aspek daaromtrent rakende die “hydration” van jou mengsel, maar dit is HG vir my:-) Ek het bloot verder die mengsel of dan plantjie elke 12uur “gevoed” tot en met dag7 (vandag) waarvan ek toe n gedeelte van die mensel gebruik het vir bak en die res net weer gevoed het en gebêre het. Daar is heelwat “dinge” wat ‘n invloed het op jou suurdeeg se ontwikkeling, onder andere temperatuur, waterkwaliteit, en dan natuurlik die “goggas” wat jy “vang”! Dit is belangrik dat wanneer jy die mensel roer, jy dit ORDENTLIK doen sodat jy soveel moontlik lug kan inkry. Ek het ‘n whisk gebruik en dit met ‘n klop beweging geroer. Wanneer jou plantjie klaar gevoer is moet dit die tekstuur hê van lekker dik room of ‘n dik pannekoek beslag, moenie bekommerd wees nie, ten tyde van die gisting word dit weer dunner. Jou houer moet ook nie dig toegemaak word nie, ek het net ‘n doek oor gegooi sodat daar steeds ‘n mate van lugvloei kon wees.

Pieta van der Walt